PENGKHOTBAH 4:12 - Susula Malalaok Hehelu Palak Ma Hehelu Beuk

¹² Hataholi dua la'ok lakabubua soona, ala hapu sili-la musu mamain-na, tehu hataholi kisak-ka, mu'dak laiesak-kana ana kala. Tali telu natatalik da'di esa soona, ta mu'dak ketu fan.

PENGKHOTBAH 4:12 ပူးပေါင်းရင်းမြစ်များ

2 SEMUEL 23:16

Malanga solda'du matuaina ka teluk sila-la lamanene boema, ala tola tunga hataholi Filistin-nala ofun-na tala'da, fo leu aso oe neme oedolu ndia mai, de leni fe Dauk. Tehu Dauk ta nau ninu fan, te ana tunu-hotu oe ndia da'di leo tutunu-hohotuk soaneu Manetualain.

2 SEMUEL 23:23

Nai bubuak ndia dalek, Benaya nde nai uluk-ka, tehu napalanin-na ta dai bubuak ka telu-a fa. “Triwira” Dauk so'un da'di malangan neu solda'du manamanea ndia.

2 SEMUEL 23:9

Hataholi ka dua nai Bubuak ka Telu (Triwira) ndia dalek nde, Eleazar, fo Dodo anan-na, neme leo-ingu Ahohi mai. Ana tunga Dauk, nai lelek lasasalematak loo hataholi Filistin-nala, fo ndia te lakabubua fo latee-lata'ti. Boema, nai lelek solda'du Israel-la lakadedeak boema,

PENGKHOTBAH 4:11

Nai le'odaek fo makalenik-ka, duas sungu lakabubua fo esa nato'bi fe esa, tehu tao leo bee fo hataholi-a aon-na hapu nato'bi metema mesak-kana?

PENGKHOTBAH 4:13

Hataholi nuu-taa hata-taak-ka bisa da'di manek, ma hataholi nanahukuk esa, bisa lali leo kandela manek lain neu. Tehu metema, neu fai lasin-na, manek ndia nggoa naseli, soaneu sipo nanoli-nafa'dak, soona ua-nalen mangalaun-na lena neme ta'eanak nuu-taa hata-taak tehu dodole matane.

EFESUS 4:3

Sanga enok te'e-te'e fo maso'da no mole-dame, fo ela emi makaboboi mahele nakabua-nakesak fo Manetualain Dula Dale na nakadada'di kana, nananakaboboik nahele.