PENGKHOTBAH 3:3 - Susula Malalaok Hehelu Palak Ma Hehelu Beuk

³ faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

PENGKHOTBAH 3:3 ပူးပေါင်းရင်းမြစ်များ

KEJADIAN 9:6

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

YESAYA 6:10

Boema, nafa'da au nae, “Tao mapa'a hataholi sila-la dudu'a-aafin-nala, tao mapake di'idoon-nala, ma tao mapoke matan-nala, fo ela ala boso lita, lamanene do lalelak, soona ala fali ma'is leo Au mai, fo ala lea-hai.”

YEREMIA 1:10

Faik ia, Au fe o koasa neu leoinak-kala, ma nusa-nusak-kala – koasa soaneu tao matu'u henin, ma tao mandefa henin, soaneu loli henin, ma tao mamopo-mamate, soaneu mafofo'a ma sele-nggali.”

YEREMIA 31:28

Sama leo makahulun-na Au aneas fo ela neu makabuin-na soona, Au fe'a henis Au tao atu'us ma Au tao akalulutuk-kasa, leoniak boe neukose Au aneas fo ela Au tao atetea-aheles ma au afofo'a falik-kasa.

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

YEREMIA 45:4

Hai Barukh! Boema Manetualain dede'a-kokolan nae leo ia: Te'e-te'e hata fo Au afofo'ak-kala neukose Au tao atu'us, ma hata fo Au sele-tanik-kala neukose Au fe'a henis, nakalenak leomae basa nusak-ka lala'en-na!

YESKIAL 13:14

Au tutu'u basa, soaneu tao atu'u papala nanadamak fo, emi losen nenik ha'o ndia, fo Au tao akalulutuk-kana neu dae lain, nalosa ela ka'da laten-na. Neukose papala nanadamak ndia tuni-na emi, fo mate la'iesak emi. Soona besak-ka, emi bubuluk mae Au nde, Manetualain-na.

HAGAI 1:2

Manetualain Fo Manakoasa nafa'da Hagai nae, “Leoina ia, nafa'da nae, fain-na beita losa, soaneu naofo'a falik Manetualain Uman-na fa.”

HAGAI 1:4

“Hei anang-ngala lemin, ade fain-na losa ba'eneu emi, soaneu leo nai uma matea ma mahelek, tese'kona, Au Umang-nga soona, bei nalupa ai-batu madodouk do?

ZAKHARIA 1:12

Boema, ata nusa so'dak ndia nae, “Manetualain Fo Manakoasa, O mamanasa Yerusalem ma kota-kota manai Yehuda-la, teuk hituhulu dalen-na. Neukose O mamanasa maheles, ma ta fe do'o do ampon neu fas losa faihi'da?”

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

SEMUEL SUSULAK-KA ESAN-NA 2:25

Metema, hataholi nasala neu hataholi daebafak soona, Manetualain nasala'en; tehu metema hataholi nasala-nasingo neu Manetualain soona, see kande tulu-falin-nana?” Tehu, ala ta lafaduli sila aman Eli, nanoli-nafa'dan fa, nana Manetualain naketu basa soaneu taonisas so.

SEMUEL SUSULAK-KA ESAN-NA 2:6

Manetualain tao mamates, ma Ana tao naso'dan boe. Nakona hataholi daebafak-ka leo hataholi manamatek-ka daebafan-na neu. Ma Ndia boeo nde so'u falik-kana neme naa mai.