PENGKHOTBAH 3:20 - Susula Malalaok Hehelu Palak Ma Hehelu Beuk

²⁰ Duas leu leo mamanak matak esa leu. Ala da'di leme dae mai, de neukose ala fali leo dae leu.

PENGKHOTBAH 3:20 ပူးပေါင်းရင်းမြစ်များ

KEJADIAN 25:17

Ismael maten nai lelek teun natun esa teluhulu hitu.

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AYUB 14:10

Tehu metema, hataholi daebafak-ka maten soona, basa so; maten soona, ana leo bee neu?

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

AYUB 17:13

Au amahenak kande, daebafa mamates-sa, nai naa, neukose au sungu nai makahatuk dale.

AYUB 30:24

Tao le'e de, O sapu-ma, hataholi manahapu soe, fo ana ta hapu tao hata esa boen, te ka'da ana dokodoe dale kasian?

AYUB 34:15

soona mate basa, mahahaek fo masamanek lala'en-na, ma hataholi daebafak-ka da'di dae, sama leo makasososan-na.

AYUB 7:9

Sama leo ko'as-sa nasakoko'a, boema mopok-kana, leondiak boe, hataholi daebafak-ka maten, de neukose ta fali ma'i fan. Basa hataholi fo ala lalelak hain so, lafandele henin, de ta lafandelen so'on.

MAZMUR 103:14

Nana, Manetualain bubuluk, ita da'di teme beek-ka mai, Ana nafandele, ita ia, ka'da dae sopuk mesan.

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 49:14

Hataholi fo, nasalai dean-na neu aoinan-na, ua-nalen leondiak, ma hataholi fo name'da hala-kokolan dai soa, maso'dan nai fai manamaik-ka leondiak boe.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

PENGKHOTBAH 3:21

Ita ta bubuluk, ade hataholi daebafak-ka duladalen-na kae leo lain neu, ma bana-manu duladalen-na kona leo dae dale neu fa.

PENGKHOTBAH 6:6

Ma ndia malole lena neme hataholi fo naso'da teuk 200, tehu ta naua-nanale nita fa. Ade duas ta leu leo mamanak matak esa leu fa do?

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

BILANGAN 27:13

O lalana basan, soona neukose o mate sama leo makahulun-na, o ka'am Harun boe,