PENGKHOTBAH 3:2 - Susula Malalaok Hehelu Palak Ma Hehelu Beuk

² Manetualain naketu faik soaneu bongi, ma faik soaneu mate, faik soaneu sele, ma faik soaneu fe'a henin,

PENGKHOTBAH 3:2 ပူးပေါင်းရင်းမြစ်များ

KEJADIAN 17:21

Tehu, neukose Au henge Au hehelu-balataang no o anam Isak, nana neukose, Sara bongin nai teu manamaik-ka, fo nai faik sama leo ia.”

KEJADIAN 47:29

Lelek faim-ma losa, fo sanga maten boema, naloo Yusuf fo anan ndia, boema nafa'da nae, “Metema o sue au soona tao o limam-ma neu au puu huung duas tala'da, fo soo-supa mae neukose o ta matoi au nai Masir ia fa.

1RAJA-RAJA 13:2

No Manetualain paleta-na, de nabi ndia naloo bou-bou neu mei tunu-hotuk ndia nae, “Hai mei tunu-hotuk, hai mei tunu-hotuk-ka nei! Manetualain nafa'da nae leoia, ‘Ni'iana esa neukose nanafoik na'de Yosia, neukose bongin nai Dauk teidalen-na dalek. Nai o lain, hai mei tunu-hotuk-ka nei, neukose ana taonisa imam-imam fo lalalau-laoono lai mamana hule-haladoik-kala neu lamatua daebafak-ka, ma manafe basa tutunu-hohotuk nai o lain so boe. Ma nai o lain boe, neukose ana hotu hataholi daebafak-ka dui nala.’ ”

2RAJA-RAJA 4:16

Boema Elisa nafa'dan nae, “Teu manamaik-ka, nai faik fo sama leoiak te, inak ko'o ni'iana beuana touanak esa so.” Boema inak ndia nafa'dan nae, “Ama, boso masapepeko. Te Ama ia, Manetualain atan!”

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

AYUB 14:5

O maketu basa, hataholi daebafak-ka, teun-na so; O maketu basa bulan-na, dede'un-na so. O maketu so'dan-na, too-lanen boe; de ta bisa, ana nggani seli fan.

AYUB 7:1

Hataholi daebafak ndia, nono'kabai de, nananakasetik, fo ana ulepo'de sanga nanalak; so'dan-na belak-ka, sama leo hataholi nanase'ba-baek esa, so'dan-na; ma

MAZMUR 113:9

Ana ba'e-bati fe saoinak ana tak-kala, anak, Ana taon da'di ina fo, maua-manale malole, ma nanafe ha'da-holomata nai uman dale. Koa-kio Manetualain leona!

MAZMUR 52:5

O sue-lai tatao-nono'i mangalauk-ka neme tatao-nono'i malole-a mai, o hii masapepeko-masandandali neme o mafa'da tunga ndoon-na.

AMSAL 24:27

Metema, o tina-osim, ma o tutunga-sasangam beita soona, boso mapadedeik uma-loom.

YESAYA 28:24

Ade tunga faik, hataholi-a nakauuk, foi dae, ma ana saa-saa natetu daen-na, fo ana sele-nggali do?

YESAYA 38:1

Bei nai lelek ndia boe, Hizkia tu'u he'dis, de isabain-na maten. Boema, Nabi Yesaya, fo Amos anan-na neu dongen de nafa'da nae, “Manetualain helu nae, Ama Manek tao makababasak basa ito-atok lala'en-na, nana neukose Ama Manek ta lea-hai fa. Ta dook-ka so'on te, neukose mate Ama Manek so.”

YESAYA 38:5

fo ana fali ne'un leo Hizkia neu, fo nanduku-nalosak hala heheluk-ka nde ia nae, “Au, Manetualain fo, o ba'i kaim Dauk sene-do'ok-ka, amanene basa o huhule-haladoim, ma Au ita o luuoem-ma so. Neukose, Au bei fe o maso'da seluk, teuk sanahulu lima bai.

YESAYA 54:1

Yerusalem, makahulun-na, o sama leo ina ta manabongik, fo ta bisa bongi fa. Tehu besak ia, hika-matadale leona, ma makamee no namahoko-seteleek! Nana o anam-mala, makadotok nanseli, lena heni, ina maela saok-ka, anan-nala.

YEREMIA 1:10

Faik ia, Au fe o koasa neu leoinak-kala, ma nusa-nusak-kala – koasa soaneu tao matu'u henin, ma tao mandefa henin, soaneu loli henin, ma tao mamopo-mamate, soaneu mafofo'a ma sele-nggali.”

YEREMIA 45:4

Hai Barukh! Boema Manetualain dede'a-kokolan nae leo ia: Te'e-te'e hata fo Au afofo'ak-kala neukose Au tao atu'us, ma hata fo Au sele-tanik-kala neukose Au fe'a henis, nakalenak leomae basa nusak-ka lala'en-na!

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

MATEOS 15:13

Boema Yesus nataa nae, “Bubu'u-palusa fo Au amang manai nusa so'da ka, ta nde sele nana fa soona, neukose nanafe'a henik.

LUKAS 1:13

Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis.

LUKAS 1:20

Hata fo au afa'dan, neukose ana da'di neu fai na. Tehu hu ka nde o ta nau mamahele fa de, mahani te o ta hapu kokolak fa. Neukose o da'di hala tak losa hata fo au afa'dan ia, ana da'di.”

LUKAS 1:36

Mafandendelek: Te Elisabet fo o tolanoom ndia nailu bulak ne ia so, leomae namalasi so, ma hataholi la lafa'dan lae, ndia ina kalate'dis.

YOHANIS 16:21

Metema inak esa, ana hihii nae bongi soona ana to'a-sota, hu ka nde fai toto'a-sosotan ana losa so. Tehu metema ana bongi na ana na soona, neukose inak ndia nafandeleheni toto'a-sosotan ndia, fo namahoko-setelee, nanahu ni'iana beuana esa nanabongik leo daebafa ka mai so.

YOHANIS 7:30

No hatematak ndia boe, ala nau ho'u la Yesus leona, tehu esa boeo ta napalani tai la'e fan, nana fai na beita losa fa.

HATAHOLI 7:17

Lelek Manetualain fai na deka, fo Ana tao natetu hehelu-balataan no Abraham te, ita leoinan manai Masi ra, lamade'u-lamba'u so.

HATAHOLI 7:20

Nai lelek ndia nde bongi Musa. Ni'iana ndia mana'a hiik. Ina aman lakaboboi lafufunik ni'iana ndia neme uma, bulak telu dale na,

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.

ULANGAN 34:5

Boema, mate Manetualain atan Musa neme dae Moab-pa, sama leo hala nafa'da makahulun-na.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

SEMUEL SUSULAK-KA ESAN-NA 2:5

Hataholi fo makahulun-na nakabete nanahu nana'a-nininun sasi kao-kao, besak ia, ana da'di hataholi mana'a ngga'di, ka'da soaneu hapu nana'ak. Hataholi fo makahulun-na namala'a-namandoe, besak ia namahokok, nana'a-nininun dai so. Saoinak kalate'dis-sa, besak ia dalen-na namatua, ana bongi-na ni'iana hitu so! Tehu inak fo anan ba'uk-ka, dalen-na he'dis-sa, nanahu ana-nala mate la'oelan.