PENGKHOTBAH 3:19 - Susula Malalaok Hehelu Palak Ma Hehelu Beuk

¹⁹ Leomae leo beek boe, hataholi daebafak-ka ma buna-manu ua-nalen matak esa. Fo neukose mate esa, leondiak boe fe'e-fe'ek-kala. Duas nde been-na, sama-sama mahahaek mesan. Da'di, hataholi daebafak-ka ua-nalen ta lena neme bana-manu mai fa, nana ba'eneu duas, maso'dak ndia manada'di tak.

PENGKHOTBAH 3:19 ပူးပေါင်းရင်းမြစ်များ

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 49:12

Neukose ala leo lai lates-sala dalek, losa dodoon-na; sila mamana leleon-na nde ndia, losa dodoon-na, leomae makahulun-na, lanuu dae makadotok.

MAZMUR 49:13

Hataholi daebafak-ka, ta hapu naso'da nakandoo nai tetu-temak-ka dalek fa; ndia boeo neukose mopo-mate sama leo bana-manu-a boe.

MAZMUR 49:20

neukose ndia boeo tunga bei-ba'i kain-nala leo mamana makahatuk-ka, losa dodoon-na.

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 2:14

Hataholi dodole da'uk-ka hapu nita enok fo sanga neu; hataholi nggoak-ka sama leo ana la'ok nafangganggama.” Tehu au boeo bubuluk ae ua-nalek fo sama, neukose tuni-na sila basa-basas.

PENGKHOTBAH 2:16

Hataholi nggoak-ka, neukose no lai-laik nananafandele henik, tehu hataholi fo nanuu manatee-tenok-ka boeo, neukose lafandele henin. Neu mate'en-na te, neukose mopo ita basa-basa-tala neme hataholi-a nafandendelen-na mai. Ita basa-basa tala muse mate, nau hataholi dodole maneu do hataholi panganaa boe.

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

PENGKHOTBAH 9:12

Hataholi daebafak-ka ta bubuluk faihi'da fain-na losa fa. Sama leo hihi'ik-ka nala manupui-a ma dala nala i'ak-ka, leondiak boe, soe-a tuni la'e hataholi daebafak-ka nai faik fo ana ta bubuluk-kana fa.

PENGKHOTBAH 9:2

Memak, ua-nalek matak esa ana tuni la'e hataholi-a esa-esak; Nau hataholi dale ndoos do hataholi malela ha'da tak-ka, nau hataholi malole do hataholi mangalauk, nau hataholi balisi do hataholi manggenggeok, nau hataholi fo ana tunu-hotu tutunu-hohotuk, do hataholi manatunu-hotu tak-ka boe. Hataholi malole-a, ua-nalen ta malole lena heni hataholi masala-masingok-ka fa, hataholi manasoo-supak-ka, sama no hataholi fo ana ta nau soo-supa fa.

BILANGAN 16:29

Metema hataholi sila-la mate ndoo-ndoo, te ta no huhukuk hata-hata neme Manetualain mai fa soona, ndia da'di ta'du-tana nae, Manetualain ta nadenu au fa.