PENGKHOTBAH 3:11 - Susula Malalaok Hehelu Palak Ma Hehelu Beuk

¹¹ Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 3:11 ပူးပေါင်းရင်းမြစ်များ

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

AYUB 11:7

Masa bole, o bisa malelak Manetualain dudu'a-aafin? Masa bole, o malelak koasan-na too-lanen?

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

AMSAL 16:4

Manetualain tao basa hata lala'en-na, nanuu tetee-tutu'dan; fo tetee-tutu'dan ba'eneu hataholi mangalauk-ka nde been-na, momopo-mamatek-ka.

PENGKHOTBAH 1:13

Au daleng-nga kisak soaneu palisak matalolole ma anoli no dudu'a-aafi manatee-tenok neu basa hata lala'en fo ana da'di nai daebafak ia. Ua-nalek fo Manetualain sadian ba'eneu ita, te'e-te'e neni dale he'dik.

PENGKHOTBAH 11:5

Manetualain tao basa-basan lala'en-na, ma hataholi daebafak-ka ta bisa nalelak nakeketun-na fa; leondiak boe ta nalelak so'da beuk-ka momoli-dada'din nai inak esa ilun dale fa.

PENGKHOTBAH 7:13

Taoafik neu Manetualain tatao-nono'in. Nana see kande ta hapu tao namandoo hata fo Manetualain tao napeko-pakin?

PENGKHOTBAH 7:23

Au fola basa sila-la nenik au manatee-tenong-nga. Tehu au boetai sanga manatee tenok ndia, ana boetai dook-ka neme au mai.

PENGKHOTBAH 7:29

Ka'da au hapuk-ka nde ia: Manetualain tao-na ita ta lenak ma ta kulang fa, te biasa. Tehu ita nde tao pula-pali ma dopelele'u ita aoinan-na.

PENGKHOTBAH 8:17

ita ta bisa talelak Manetualain nakeketun-na fa. Ita sanga enok tao leo beek boeo, ita ta hapu talelak-kana makandondook fa. Hataholi dodole maneu-a manaku nae nalelak-kana, tehu tunga ndoon-na, ta nalelak-kana fa.

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

MATEOS 13:22

Bini-ngges fo mana tu'da nai dila-nggauk tala'da, nakasasama na leo hataholi fo namanene halak sila la, tehu dale nala laba'e la'eneu so'da nala, ma ala hii ka'da laso'da lai hahapu-dadai mana dai lena ka dalek. Hu ndia de, halak maneme Manetualain mai a, nananakahapik nai dale nala dalek, de nalosa ta nabuna naboa fa.

MARKUS 7:37

Basa hataholi fo lamanene dede'ak ndia, ala dodoo doa kana lanseli. Ala kokolak lae, “Ana tao basa hata lala'ena no malole! Nakalenak bai, Ana tao na hataholi pake kala hapu lamanene ma hataholi nggoa kala hapu kokolak!”

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.