PENGKHOTBAH 2:8 - Susula Malalaok Hehelu Palak Ma Hehelu Beuk

⁸ Au akabubua ala lilofulak ma lilopilas neme mane-manek manai au nusa paletang-ngala bea-nala mai. Manamakamee touk ma manamakamee inak-kala tao lamahoko au daleng-nga nenik sila nakameen-nala. Au sao makahatung-ngala dede'un-na, nandaa no au dale hihiing-nga.

PENGKHOTBAH 2:8 ပူးပေါင်းရင်းမြစ်များ

2 SEMUEL 19:35

Atam-ma teun faluhulu so, de ta hapu hata esa boen, bisa neni fe atam-ma namahokok so'on. Atam-ma, na'a-ninu nana'a-nininuk-kala, ta hapu la'dan-na so'on, ma atam-ma ta hapu namanene hataholi-la lakamee so'on. Neukose, atam-ma ka'da neni lelepa mabela fe Ama Manek.

1RAJA-RAJA 10:10

Basa boema nusa Syeba ina manen ndia fe Salomo bua palsen fo neni kala, fo nde: lilopilas kilo lifun haa lenak ma batu poemata makadotok boema bumbu ndende. Salomo ta hapu sipo nita seluk bumbu makadotok leondiak so'on sama leo nusa Syeba ina manen-na fen nana fa. (

1RAJA-RAJA 10:14

Tunga teuk, Mane Salomo sipo lilopilas hihii nae losa kilo lifun duahulu telu,

1RAJA-RAJA 10:21

Salomo bua-lo'a nininu nala basa-basas nanataok neme lilopilas sa mai, ma basa bua-lo'as manai Lalaa Temak Nula Libanon na, nanataok neme lilopilas isik-ka mai. Ta hapu buas fo nanataok neme lilofulak-ka mai fa, nana nai Salomo tepo-lele na, hataholi a nafa'da nae lilofulak-ka belin taa.

1RAJA-RAJA 11:3

Salomo kabing no anafe'oana manefetoanan-natun hitu, ma sao makahatun natun telu. Saoinak sila-la nde tao la Salomo la'oela Manetualain na,

1RAJA-RAJA 14:27

Boema da'dileo ngganggati nala, de Mane Rehabeam-ma tao bua sisili musu neme liti mai, de ana fen neu basa malanga solda'du matuaina fo manamanea manek-ka uma manen-na, lelesuinan-na.

1RAJA-RAJA 9:14

Hiram haitua basa fe Salomo lilopilas kilo lifun haa lenak so.

1RAJA-RAJA 9:28

Ala leu hai leme nusa Ofir-ra soaneu ala ho'i lilopilas kilo lifun sanahulu haa fo leni fen leo Salomo neu.

1 TAWARIKH 25:1

Soeneu manamauli-malanga feta makaluku-makatele a, Manek Dauk ka ma basa hataholi Lewi la mauli-malangan-nala hele Lewi teidale-bobongin nala nde ia: Asaf, Heman ma Yedutun. Sila bela-ba'un nde soaneu landuku-lalosak hala heheluk neme Manetualain mai nenik musik kecapi, gambus ma simbal. Soaneu manamauli-malanga makaluku-makatele no esa-esak fetan na, hataholi nanahelek kala nde ia:

1 TAWARIKH 25:6

Basa Heman anan sila-la lakaminak musik simbal, kecapi ma gambus fo sila aman nde nauli-nalanga soaneu lakamee tunga nai feta makaluku-makatele nai Manetualain Uman. Asaf, Yedutun ma Heman hapu bela-ba'uk nandaa no natutu'duk neme manek-ka mai.

2TAWARIKH 9:11

Salomo pake ai sila-la soaneu tao e'dahuuk nai Manetualain Uman-na, ma nai uma manen-na, boeo soaneu tao kacapi ma gambus fe basa manamakameek-kala. Dede'ak fo sama leondia-ka, ana beita da'di nita nai nusak Yehuda fa.)

PENGKHOTBAH 1:2

Manadudu'a-dodook-ka nafa'da nae, Basa-basan lala'en-na manada'di tak, ma sosoa-ndandaan ta. So'dak ndia palsuma, ma basa-basan sosoa-ndandaan ta.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 3:5

Metema pupuuk-ka nalii, fo basa soona kinuk-ka nalii, sasanu, labu, gambus, serdam, ma musik fe'ek-kala lalii soona, tolano-tolanook-kala muse sene-do'ok neu Mane Nebukadnezar-ra tao-na dodoki-dudulak lilopilas ndia.

DANIAL 3:7

Hu ndia de, lamanene musik sila-la lalii boema, hataholi maneme basa leoina, leo ma dede'ak lala'en-na sila, ala sene-do'ok dodoki-dudulak lilopilas ndia.

AMOS 6:5

Emi hii tao nakameek sama leo Dauk taok-ka, ma emi makaminak kacapi fo emi makamee nakameek sila-la.