PENGKHOTBAH 2:22 - Susula Malalaok Hehelu Palak Ma Hehelu Beuk

²² Nai hataholi daebafak-ka maso'dan-na dalek, ana puse nanggeok-ka no ue-le'dis-sa, ma ana sota-mangu; boema sosota-mamangun ndia buna-boan nde bee, fo ana hapu tao namatua dalen-na?

PENGKHOTBAH 2:22 ပူးပေါင်းရင်းမြစ်များ

MAZMUR 127:2

Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, Manetualain sadia basan ba'eneu sila fo Ana sue-lain so.

AMSAL 16:26

Dale hihiik soaneu na'a-ninu-a, nakatutuluk hataholi-a naue-nale'di; hu kande tein-na, de no nakasetik, muse naue-nale'di.

PENGKHOTBAH 1:3

Nai ita fai maso'dan-na dalek, ita taue-tale'di no puse titik. Tehu buna-boan nde bee, fo ita bisa tamatutua ita dalen-na?

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 3:9

Ade, ita sosota-mamangun buna-boan beek?

PENGKHOTBAH 4:6

Fafa'kama dede'ak ndia la'en, tehu malole lenak hata-heto faa anak, sama-sama no dale manatesa-tamak-ka, neme naue-nale'di nenik liman duas, losa pusen-na titi ma usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 5:17

Boema au bubuluk ae, fo malole nanseli ba'eneu ita, nde ta'a-tinu fo tame'da tita ita ue-le'din buna-boan nai ita maso'da keke'uanan fo Manetualain fen neu ita; Ndia nde ita ua-nalen-na.

PENGKHOTBAH 8:15

Au ho'i keke'un nde ia nae: hataholi-a muse namahoko-setelee. Nanahu nai maso'dan nai daebafak-ka ta hapu namahoko fe'ek ba'eneun fa te ka'da na'a ninu ma namahoko-setelee. Ana hapuk-ka ka'da nde ndia nai sosota-mamangun dale, nai fai maso'dan fo Manetualain fen-na dalek.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

MATEOS 6:11

Fe ami nana'a-nininu mana daik nai faik ia dale na.

MATEOS 6:25

Hu ndia de, mafandendelek; fo boso bii neu emi so'da ma. Boso dodoo ka'da, hata fo emi mi'a-minu, do hata fo emi pake-nggao nai faik ia dale na. Ade ita so'dan ia, beli na ta lena heni nana'a-nininu ka, do ita ao paa na ta lena heni papake-ngganggao ka fa do?

MATEOS 6:34

Hu ndia de boso bii la'eneu fai bala ha. Nanahu fai kala esa-esak nok nininin. Faik ia susa na dai so, de boso boe tama selu kana bai.”

LUKAS 12:22

Boema Yesus nafa'da ana manatunga nala nae, “Hu ndia de Au afa'da ae, ‘Dale mala boso ba'ihana la'eneu emi so'da ma, fo nde hata fo neukose emi mi'a-minu, do hata fo neukose emi pake-nggao.’

LUKAS 12:29

Da'di dale mala boso ba'ihana ma mapangamak la'eneu hata fo neukose emi mi'a ma minu.

1 KORINTUS 16:16

Au oke te'e-te'e, fo ela emi tunga hataholi leo sila kala hehela-nonolen, boema hataholi fe'ek fo, laue-lale'di leu esa de malalau-maoono moos.

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

1 TIMOTIUS 6:8

Hu ndia de, metema ita hapu ta'a pake soona, dai so.

1 PETRUS 5:7

Fe la'i esak emi dale mana ba'i hana ma, leo Manetualain neu, nana Ndia nde nafaduli emi a.