PENGKHOTBAH 2:17 - Susula Malalaok Hehelu Palak Ma Hehelu Beuk

¹⁷ Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

PENGKHOTBAH 2:17 ပူးပေါင်းရင်းမြစ်များ

1RAJA-RAJA 19:4

boema ana la'o eik faik esa dalen-na leo moo solokaek ka neu, de ana hahae neme ai matuaina esa huun-na. Ana nangatuuk neu ndia de nahiik fo ela ana mate leona. Nafa'da Manetualain nae, “Au ta akatatakak seluk so'on Manetualain. Ho'i ma au hahae nga leona. Au ta malole lena neme au bei-ba'i kaing-ngala mai fa!”

AYUB 14:13

Mafuni au, nai hataholi manamatek-ka daebafan dale; masulu-mahapa au, losa O ta mamanasa so'on Tehu maketu faik, soaneu mafandele au aoinang-nga.

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 2:22

Nai hataholi daebafak-ka maso'dan-na dalek, ana puse nanggeok-ka no ue-le'dis-sa, ma ana sota-mangu; boema sosota-mamangun ndia buna-boan nde bee, fo ana hapu tao namatua dalen-na?

PENGKHOTBAH 3:16

Hapu seluk hata fo au itan nai daebafak ia, fo nde: Nai bee fo muse hapu ndoos ma matetuk-ka, ma tatao-nono'i malole soona, nai ndia hapu tatao-nono'i mangalauk.

PENGKHOTBAH 4:2

Au ape'da dalek, lelek afandele hataholi manamate dook-kala so, nanahu sila laua-lanale lena neme hataholi bei maso'dak-kala mai.

PENGKHOTBAH 4:3

Tehu manamaua-manalek lena seluk kande, hataholi fo beita bongi fas, nana sila beita lita tatao-nono'i mangalauk fo manatao-no'ik nai daebafak ia fa.

PENGKHOTBAH 6:9

Basa sila-la manada'di tak sama leo sanga enok fo usi anin-na. Malole lenak, ata tame'da dai nenik hata fo ita tanuun, neme tahiik ba'uk-ka seluk tataas esa.

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”

HABAKUK 1:3

Tao le'e de, O po'ilotak au mete tatao-nono'i mangalauk makadotok leondiak-ka? Masa bole, O makatatakak mete la'o lenak, makadotok leondiak-ka? Nai mamanak lala'en-na, hapu nakalulutuk ma naseti-nalakak, nahotek, ma nale'a-napilik.

BILANGAN 11:15

Metema Manetualain tao nakandoo au leoiak soona, sue-lai au dei; malole lenak, taomisa au no lai-laik fo ela au boso boe lu'a-lepa doidosok ia bai.”