PENGKHOTBAH 2:16 - Susula Malalaok Hehelu Palak Ma Hehelu Beuk

¹⁶ Hataholi nggoak-ka, neukose no lai-laik nananafandele henik, tehu hataholi fo nanuu manatee-tenok-ka boeo, neukose lafandele henin. Neu mate'en-na te, neukose mopo ita basa-basa-tala neme hataholi-a nafandendelen-na mai. Ita basa-basa tala muse mate, nau hataholi dodole maneu do hataholi panganaa boe.

PENGKHOTBAH 2:16 ပူးပေါင်းရင်းမြစ်များ

2 SEMUEL 3:33

Basa ndia boema, Dauk makaleleu soaneu Abner nae, “Ade, Abner muse maten da'di leo hataholi nggoak-panganaa do?

MAZMUR 103:16

metema, anin-na fuun soona, ana sapu-lalo, nakalenak, mamanan-na, ta bubuluk-kana nai bee so'on.

MAZMUR 49:10

fo ela nala mamates-sa deak, fo ana hapu naso'da losa dodoon-na.

MAZMUR 88:12

Ade, O susue-lalaim, nanatui-bengak nai lates dale, ma O lilinekam nai mamana momopo-mamatek-ka do?

KELUARAN 1:6

Basa ndia boema, mate Yusuf no tolanoon-nala, leondiak boe, hataholi fo dedena-baba'uk loon-nana.

KELUARAN 1:8

Basa boema, manek beuk esa, ana paleta nai Masir, tehu ta nalelak Yusuf fa.

AMSAL 14:8

Hataholi manatee-tenok-ka ana bubuluk, tao leo beek fo, muse ana ho'i nakeketuk, tehu hataholi nggoak-ka, nggoan-na ke'di-ndiu-na seluk-kana.

PENGKHOTBAH 1:11

Hataholi a neukose ta nafandele manada'dik manai fai maneuk-ka fa. Leondiak boe, manada'dik besak ia ma manamai ka, neukose hataholi-a ta nafandelen nai fai manamaik-ka fa.

PENGKHOTBAH 2:14

Hataholi dodole da'uk-ka hapu nita enok fo sanga neu; hataholi nggoak-ka sama leo ana la'ok nafangganggama.” Tehu au boeo bubuluk ae ua-nalek fo sama, neukose tuni-na sila basa-basas.

PENGKHOTBAH 2:15

Boema au dodoo ae, “Ua-nalek fo manatuni-na hataholi nggoak-ka, neukose au la'o la'din boe. Da'di, au manatee-tenong lala'en-na, sosoa-ndandaan-na beek?” Boema au ho'i nakeketuk ae manatee-tenok ndia, memak sosoa-ndandaan ta makandondook.

PENGKHOTBAH 6:8

Da'di, nanalak hata ba'eneu hataholi dodole maneu-a, metema nakasasamak-kana no hataholi nggoak-ka? Sosoa-ndandaan hata boe, metema hataholi nuu-taa hata-taak-ka ha'da-paliin malole nai laun-na tala'da?

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

PENGKHOTBAH 8:10

Au ita hai hataholi mangalauk-ka maten, de latoi-latonon. Tehu lelek hataholi-la fali leme natoi-natonon mai, te ala koan nai kota fo mamanak ana tao tatao-nono'i managalauk-ka. Da'di ndia boeo manada'di tak.

PENGKHOTBAH 9:15

Nai kota ndia, hapu hataholi nuu-taa hata-taak manatee-tenok esa. Ana hapu nasala'e-na kota ndia. Tehu hu kande nuu-taa hata-taak de, no lai-laik lafandele heni tatao-nono'i malolen-na, de ta hapu hataholi esa boen, nafandele fan.

PENGKHOTBAH 9:5

Ta bole nae ta, hataholi maso'dak-ka bubuluk nae mamates-sa nahanin, tehu hataholi manamatek-ka, ana ta bubuluk hata-hata fa. Ta hapu ngga'di do sese'bak ba'eneun fa, ma lafendele heni na'den-na so.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.