PENGKHOTBAH 2:12 - Susula Malalaok Hehelu Palak Ma Hehelu Beuk

¹² Leomae leo beek boe, manek esa ka'da hapu tao hata esa fo manek makahuluk-kala tao hain so. Boema au mulai dodoo ae: sosoa-ndandaan-na beek, da'di dodole da'uk do panganaa, do nggoak?

PENGKHOTBAH 2:12 ပူးပေါင်းရင်းမြစ်များ

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 3:15

Fo besak ia manada'dik-kala, ala da'di ndek makahulun-na so. Fo neukose ana da'di, ana da'di dook-ka so. Manetualain naketu, fo ela manada'di basak-kala, ala da'di seluk.

PENGKHOTBAH 7:25

Tehu au anoli te'e-te'e fo sanga malelak-ka, fo ela au hapu manatee-tenok-ka, ma natataak soaneu natatanek lala'en-na. Au so'ba bubuluk sala-singok ndia tatao-nono'i nggoak, ma tatao-nono'i manalauk-ka nde been-na napalanik.