PENGKHOTBAH 2:11 - Susula Malalaok Hehelu Palak Ma Hehelu Beuk

¹¹ Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 2:11 ပူးပေါင်းရင်းမြစ်များ

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

KELUARAN 39:43

Musa palisak basa hata lala'en-na, de nita nae ala tao lan nandaa sama leo Manetualain paletan-na. Boema Musa fes baba'e-papalak.

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 1:3

Nai ita fai maso'dan-na dalek, ita taue-tale'di no puse titik. Tehu buna-boan nde bee, fo ita bisa tamatutua ita dalen-na?

PENGKHOTBAH 3:9

Ade, ita sosota-mamangun buna-boan beek?

PENGKHOTBAH 5:10

Hataholi esa su'i-beten boetai lamaba'uk-ka, boetai ana muse fe hataholi fe'ek ba'uk-ka la'a. Ta hapu nanalak ba'eneu manonuuk-ka fa, ka'da ana bubuluk nae ndia kamasu'ik

PENGKHOTBAH 5:16

Nai ita fai maso'dan-na dalek, ita tafangganggao nai makahatuk dale, ita susa, ita dalen-na ta tesa-tama fa, tamanasa ma dale he'dik.

HABAKUK 2:13

O matona-ma leoina-la, ala sota-mangu te sosoa-ndandaan ta, ma ha'i na'a heni basa lapadedeik-la hata lala'en-na. Manetualain Fo Manakoasa, hihi-nanaun basa sila lala'en-na.

1 TIMOTIUS 6:6

Memang agama nini hahapu matua ina, metema nai hataholi ndia dale nameme'da na, ndia hahapu-dadain sila la, dai so.