PENGKHOTBAH 12:5 - Susula Malalaok Hehelu Palak Ma Hehelu Beuk

⁵ O ta mapalani nda'e leo mamana madema muu fa, de muse la'ok besa-besa. O langa doom-ma mofa, ma nai lelek o la'ok-ka, o helak o eim-ma. Boema mopo la'iesak o dale hihii-nanaum lala'en-na. Ita la'ok tasale leo ita mamana mate'en-na teu. Hataholi-la falu, ma lakaleleu ndolo-ndolo enok-ka.

PENGKHOTBAH 12:5 ပူးပေါင်းရင်းမြစ်များ

KEJADIAN 42:38

Tehu Yakob nae, “Ta! Emi ta bole moo Benyamin fa; ka'an-na maten so, de besak ia ela ka'da ndia so. Boso nalosak ana hapu soe nai leleo-lala'ok ndia dalek. Au ia, amalasi so, ma dale he'dik fo neukose emi menin neu au ndia, neukose neni au mamateng-nga.”

KEJADIAN 44:29

Metema emi ho'i ma ni'iana mate'a teisu'uk ia neme au mai, fo hata da'din soona, dale he'dik fo emi fen neu au ndia, neukose neni mamates fe au, nanahu au ia amalasi so.’ ”

AYUB 15:10

Ami sipo manatee-tenok ia, neme hataholi fo, langan-na mofa so; bongi hataholi sila te, beita bongi o amam fa!

AYUB 17:13

Au amahenak kande, daebafa mamates-sa, nai naa, neukose au sungu nai makahatuk dale.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

MAZMUR 71:18

Ou Manetualain, boso la'oela au, losa au amalasi fo au mofa, fo ela au tui-benga O koasam-ma, ma O makadelem-ma, neu bobongik manamaik-kala.

AMSAL 16:31

Hataholi manatao tunga ndoon-na, neukose ana hapu teu naluk; langadoo mofan-na, sama leo ti'ilanga mana'ahiik-ka.

AMSAL 20:29

Lasamana hataholi muli-soluk-ka, hu kande be'i-balakain, ma hataholi lasik-ka, nanafe ha'da-holomata, hu kande langa mofan-na.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

YESAYA 46:4

Emi Manetualaim Au nahele, losa emi mamalasi; ma Au anea ahele emi losa emi langam-ma mofa. Au akadada'dik emi, de Au akaboboi ahele emi, neukose Au tulu-fali ma soi-tefa emi.

YEREMIA 1:11

Manetualain natane au nae, “Yeremia, o mita beek?” Boema au ataa ae, “Au ita ai ba'dam-ma ndanan-na, Manetualain.”

YEREMIA 9:16

Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.