PENGKHOTBAH 12:2 - Susula Malalaok Hehelu Palak Ma Hehelu Beuk

² Metema faik ndia losa soona, o matam-ma keluha'buk, nalosa le'do, bulak nduuk keluha'buk. Ko'as masakoko'ak fo u'dan-na sanga mai-a, no nahele o, nono'kabai ana fe nasanene'da mahelek.

PENGKHOTBAH 12:2 ပူးပေါင်းရင်းမြစ်များ

KEJADIAN 27:1

Nai faik esa, fo nai lelek Isak namalasi ma poken so boe boema, naloo na Esau fo ana ulun-na, boema nafa'dan nae, “Ana ngonei!” Esau nataa nae, “Ou ama.”

KEJADIAN 48:10

Yakob nita nasalalalok nanahu namalasi de matan-na keluha'buk so. Yusuf fe anan sila-la leu deka loo Yakob, de ana holu nas boema ana de'is.

MAZMUR 42:7

Nai mamana okak ia, au daleng-nga nakalulutuk, hu ndia de, au afandele neu Manetualain. Au samaneng-nga bolo nai faa dale he'dik dale faa tasi'bu-a sa'e-na au; sama leo Lee Yarden-na oe lili'don-na nggun-na neme Lete Hermon ma Lete Mizar-ra mai.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.

MAZMUR 77:16

No O be'i-balakaim, de O soi-po'i O anam-mala fo, Yakob ma Yusuf tititi-nonosin-nala.

MAZMUR 90:10

Ami faim maso'dam-ma losa ka'da teuk hituhulu, metema ami balakaik-ka soona, losa teuk faluhulu. Tehu ami hapuk-ka, nde ka'da toto'a-tataak ma doidosok-ka; basa ami maso'da keke'uanam-ma soona, ami sapu-lalo.

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YOEL 3:15

Le'do ma bulak-ka neukose makahatuk, ma nduuk-kala ta lasalaa so'on.”

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

SEMUEL SUSULAK-KA ESAN-NA 3:2

Nai le'odaek esa boema, Eli fo namalasin-nanseli ma hihii nae poken ndia, ana bei sungu nai kaman dale,

SEMUEL SUSULAK-KA ESAN-NA 4:15

Eli teun siohulu falu, de hihii nae poken so.

SEMUEL SUSULAK-KA ESAN-NA 4:18

Lelek hataholi ndia nafa'da la'eneu Peti Hehelu-balataak ndia boema, Eli tu'da nalenga neme kandelan lain, nai lelesuina boboan-na. Namalasin nanseli ma naao, de lelek ana tu'da boema, la'di lesuha'in-na de maten. Ana nauli-nalanga Israel, teuk haahulu dalen-na.