PENGKHOTBAH 12:13 - Susula Malalaok Hehelu Palak Ma Hehelu Beuk

¹³ Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

PENGKHOTBAH 12:13 ပူးပေါင်းရင်းမြစ်များ

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

MAZMUR 111:10

Ba'eneu see fo, ana hii da'di manatee-tenok soona, muse ana fe ha'da-holomata neu Manetualain, Ana fe malelak-ka neu basa hataholi manatunga paletan-na. Kokoa-kikiok ba'eneu Manetualain, neme tepo lelek leo tepo lelek neu!

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 19:23

Fe ha'da-holomata neu Manetualain, soona o so'dam-ma naua-nanale; ma neukose, o mame'da dai-ma lena, ma o matapo'i meme soe-a mai.

AMSAL 23:17

Boso mape'da dalek neu hataholi masala-masingok-ka. Tunga Manetualain tataas esa,

PENGKHOTBAH 2:3

Au hihii-nanaung nakatutuluk au, fo au da'di hataholi dodole da'uk, ma au daleng-nga kisak soaneu amahoko-setelee nenik au inu angol ma tao feta dote. Au ae daenga, ndia nde enok malole ba'eneu hataholi daebafak-ka, fo ana bubuluk maso'dan-na keke'uanak nai daebafak ia.

PENGKHOTBAH 3:14

Au bubuluk Manetualain lima tataan lala'en-na, neukose lahele losa dodoon-na. Hataholi daebafak-ka ta hapu popo-tama fan, do tao kulang-ngana fa. Ma Manetualain ho'i nakeketu leondiak, fo ela ita bii-tamata'u neun.

PENGKHOTBAH 5:7

Boso dodoo doak-kana, metema mita manakoasa-la tuni-ndeni hataholi nuu-taa hata-taak-ka, loso-la hataholi sila haak-ka, ma ala ta fes ndoos ma matetuk fa. Malangan-na nasulu-nahapa hataholi mana'a ngga'di-la esa-esak, ma manapaleta manai lain-na nasulu-nahapa duas.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

PENGKHOTBAH 7:18

Madook aom-ma neme dede'a ka duak sila-la mai. Metema ita bii neu Manetualain soona, tao leo bee-o ita hapu buna-boa malole.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

PENGKHOTBAH 8:5

Hataholi manatungan-nana, neukose nee-nee lino-linok ma tetu-temak hataholi dodole maneu-a bubuluk, faihi'da ma tao leo beek fo tunga manek-ka.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

LUKAS 1:50

Neme tititi-nonosik leo tititi-nonosik neu Manetualain tao dale susue na neu hataholi fo manabii neu na.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 4:10

la'eneu faik ndia, fo nai lelek emi mapadeik meme emi Manetualaim-ma matan neme Letek Sinai-a. Nai lelek ndia, nafa'da au nae, ‘Maloo makabubua leoina ndia. Nana Au ahiik lamanene hata fo Au sanga anduku-alosak-kana, fo ela lanoli tunga neu Au, nai sila fai maso'dan-na dalek, ma fo ela lanoli anan-nala fo ala tunga Au.’

ULANGAN 4:2

Emi boso popo-tama seluk paleta neu au fe emi paleta-la, do tao mamopo paleta sila-la esa boen. Tunga emi Manetualaim-ma paletan fo au fen neu emi ndia.

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

1 PETRUS 2:17

Fe ha'dak neu basa hataholi lala'ena, ma sue-lai emi tolanoo salani mala. Bii Manetualain, ma fe ha'da-holomata neu Kese la.

NINITAK 19:5

Boema au amaneme hala ka neme kandela manek ndia mai nae, “Emi muse koa-kio ita Manetualai na, emi basa-basa mala, ana ma matua, malalau-maoono ma manasene-do'o kana!”

SEMUEL SUSULAK-KA ESAN-NA 12:24

Fe ha'da-holomata neu Manetualain ma mamahele neun no lilinekak, ma no emi dale katematuam-ma. Mafandendelek tatao-nono'i matuaina fo Ana tao basan ba'eneu emi so.