PENGKHOTBAH 11:9 - Susula Malalaok Hehelu Palak Ma Hehelu Beuk

⁹ Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 11:9 ပူးပေါင်းရင်းမြစ်များ

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

KEJADIAN 6:2

boema, Manetualain anan-nala lita anafe'oanak sila-la, mata makeek mesa-mesan. Boema ala hii anafe'eoanak see soona, ala sao-lan.

1RAJA-RAJA 18:12

Metema au la'o eme ia mai soona, neukose Manetualain Dula dalen-na fafa'kama no Ama leo mamanak fo au ta bubuluk-kana fa! Ma metema au afa'da Ahab-pae Ama nai ia, fo ta natongon-no Ama fa soona, taoleo bee o neukose ana taonisa au. Fo ela Ama bubuluk, te au ia te'e-te'e hule-haladoi neu Manetualain neme au bei anang-nga mai!

1RAJA-RAJA 18:27

Losa le'dohana boema, Elia mulai hakinonolis nae, “Hule-haladoi mapane'e seluk! Ndia lamatua daebafak hetu? Fafa'kama ana bei tekauk, do ana leo kakus dale neu. Bole da'di ana bei la'o leo bee neu! Do fafa'kama ana bei sungu, de emi muse fafae mafo'an!”

1RAJA-RAJA 22:15

Mikha losa Mane Ahab-pa matan boema, manek-ka natane nae, “Au ma Mane Yosafat a bole meu sapu ma Ramot do ta?” Mikha natan-nae, Sapu man leona, “Te tao leo bee o Ama Manek hapu buna-boan. Neukose Manetualain fe Ama Manek sengi.”

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

PENGKHOTBAH 12:14

Neukose Manetualain naketu-nala'di la'iesak ita tatao-nono'in; malole ma mangalauk, nakalenak nananafunik-kala boe.

PENGKHOTBAH 2:10

Basa au dale hihiing lala'en-na, au tao-an dai ma lena. Beita la'iesa fo au akatatakak au daleng-nga soaneu au ame'da ita namahoko-setelee beek ndia boen. Au daleng-nga namatau neu au sosota-mamangung buna-boan lala'en-na, de au ngga'ding-nga nde ndia.

PENGKHOTBAH 3:12

Au bubuluk ae ba'eneu ita, ta hapu hata fo malole neme tamahoko-setelee, ma tame'da tita maso'dak-ka nai ita maso'da fai manalun-na dalek.

PENGKHOTBAH 3:17

Au dale dodoong-nga, neukose Manetualain naketu-nala'di, nau hataholi malole do hataholi mangalauk boe, nana nai de'deak lala'en-na, ma tatao-nono'ik lala'en-na, neukose ala da'di nai faik fo Manetualain naketuk-ka.

PENGKHOTBAH 6:9

Basa sila-la manada'di tak sama leo sanga enok fo usi anin-na. Malole lenak, ata tame'da dai nenik hata fo ita tanuun, neme tahiik ba'uk-ka seluk tataas esa.

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

YEREMIA 23:17

Ba'eneu hataholi-hataholi fo tanau lamanene Au hala-kokolang-nga fa, ala lafa'da tatas esa lae, ‘Neukose emi maso'da-mamole.’ Ma neu basa hataholi fo malanga batuk-ka, ala lafa'da lae, ‘Neukose o ta hapu susa-soe fa.’ ”

YEREMIA 7:24

Tehu ala ta nau lamanene, ma ta nau taoafik fa. Nakalenak, ala tunga ka'da sila hihii-nanau mesan fo matea ma mangalauk ndia. Ala ta da'di malole fa, te mangalaun-nala, boetai nakadelek-ka.

RATAPAN 3:27

malole lenak ata tanoli fo ata da'di manamakatatakak nai lelek bei muli-soluk.

BILANGAN 15:30

Tehu metema, hataholi Israel esa, do hataholi nusa dea esa, ana bubuluk nakanenetek-ka, tehu ana tao sala-singok soona, ndia nana'de nakadadaek Manetualain. Soona muse hukunisa hataholi ndia,

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

BILANGAN 22:32

Manetualain ata nusa so'dan-na, natane nae, “Tao le'e de, o fepa o keledeim-ma, losa la'i telu? Au mai, soaneu apanggengge o, nana tunga Au hahapung-nga, metema o muu soona, ta malole fa.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

LUKAS 12:19

Basa soona, au afa'da seluk au aoina nga ae, au aua-anale! Basa hata malole lala'ena o manuun so, de teuk lamalala boeo, neukose ta basa fas. Besak ia, hahae ao ma leona! Mu'a-minu ma mamahoko-setelee leona!’

HATAHOLI 14:16

Nai lelek makahulu na, Manetualain po'ilotak leoina la laso'da tunga sila hihii-nanau nala.

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

ROMA 14:10

Da'si, tolano-tolanoo ngala lemin! Sosoak hata, fe salak neu emi tolanoom fo namahehelek esa? Ma sosoak hata, emi mafa'da mae hataholi ndia nai daeanak? Ita basa-basa tala neukose tasasalematak to Manetualain soaneu nananaketu-nala'dik.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

ULANGAN 29:19

Metema, emi nggelok mamanene paleta mabelaina ndia soona, ana boso dodoo nai dalen dale, nae neukose ndia ua-nalen malole nahele, leomae napalani tunga ka'da dale hihii-nanau mesan-na. Neukose dede'ak ndia, ana tao namate-namopo emi basa-basam-mala, nau hataholi manatao mangalauk-kala do hataholi manatao malole-la boe.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

2 PETRUS 3:7

Tehu no Manetualain hala-kokolan ndia boe de, lalai no daebafak besak ia nananakaboboik, soaneu fai makabui na, nanahotu henik ninik ha'i nai Fai Naketu-nala'di ka sama-sama no hataholi mangalau kala.