PENGKHOTBAH 11:8 - Susula Malalaok Hehelu Palak Ma Hehelu Beuk

⁸ Ela leo been-na, o moke makasi, metema teum-ma popo-tama. Tehu mafandendelek, te leomae o maso'da-mala dook-ka nai daebafak-ka boe, o le'do-faim manai daebafa mamates-sa, doon-na lena seluk bai. Da'di o nau mamahena beek bai? Basa-basan palsuma ma manada'di tak.

PENGKHOTBAH 11:8 ပူးပေါင်းရင်းမြစ်များ

AYUB 10:21

Ta dook-ka so'on te, au u leo nusa makahatuk, ma makiuina dalek u, fo au ta fali so'on,

AYUB 10:22

nusa makahatuk, ma henuk no tasi'bu-a, fo nai bee, mangale'dok-ka, sama no makahatuk-ka.”

AYUB 14:10

Tehu metema, hataholi daebafak-ka maten soona, basa so; maten soona, ana leo bee neu?

AYUB 14:12

leondiak boe, hataholi manamate basak-ka: Neukose, ana ta bisa fo'a falik so'on. Losa mopo lalai boeo, neukose, ana ta nggenge fa, ana sungu nakandoo, te ana ta fo'a so'on.

AYUB 15:23

Manupui nasar-rala, lahani fai mamaten-na, fo ala sanga la'a popolan-na. Boema, name'da nae so'dan-na makahatuk manai fai manamaik-ka.

AYUB 18:18

Nanausi henik neme mangale'dok-ka mai, leo makahatuk dale neu; nana-nadook neme hataholi maso'dak-ka daebafan-na mai.

MAZMUR 49:20

neukose ndia boeo tunga bei-ba'i kain-nala leo mamana makahatuk-ka, losa dodoon-na.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

PENGKHOTBAH 2:15

Boema au dodoo ae, “Ua-nalek fo manatuni-na hataholi nggoak-ka, neukose au la'o la'din boe. Da'di, au manatee-tenong lala'en-na, sosoa-ndandaan-na beek?” Boema au ho'i nakeketuk ae manatee-tenok ndia, memak sosoa-ndandaan ta makandondook.

PENGKHOTBAH 2:17

Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

PENGKHOTBAH 2:19

Ma see bubuluk, ade ndia dodole maneu do nggoak? Tehu leomae leo beek boe, neukose ndia nde nanuu au ue-le'ding buna-boan, fo au hapun nai au fai maso'dang-nga dalek nai daebafak ia, hu kande au sosota-mamangung ma au manatee-tenong-nga. Da'di ndia boeo manada'di taak.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

PENGKHOTBAH 4:16

Nauli-nalanga laun-nala, fafa'kama ta leke nala dede'un-nala fa, tehu ana la'o soona, ta hapu hataholi noke makasi soaneu nafandele tatao-nono'i malolen-na fa. Memak, basa-basan manada'di tak, sama leo sanga enok fo usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 6:11

Ana boetai nase'i nala dook-ka, boetai hala-kokolan sosoa-ndandaan ta, nakalenak ana ta hapu nanalak hata esa boen.

PENGKHOTBAH 6:6

Ma ndia malole lena neme hataholi fo naso'da teuk 200, tehu ta naua-nanale nita fa. Ade duas ta leu leo mamanak matak esa leu fa do?

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

PENGKHOTBAH 8:15

Au ho'i keke'un nde ia nae: hataholi-a muse namahoko-setelee. Nanahu nai maso'dan nai daebafak-ka ta hapu namahoko fe'ek ba'eneun fa te ka'da na'a ninu ma namahoko-setelee. Ana hapuk-ka ka'da nde ndia nai sosota-mamangun dale, nai fai maso'dan fo Manetualain fen-na dalek.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

MATEOS 22:13

Boema manek ndia nafa'da malalau-maoono nala nae, ‘Pa'a hataholi ia ei liman fo tapan leo deak neu, fo nai mamana makahatu ka. Nai ndia neukose ana hapu ka'da kikiik ma doidoso ka.’ ”

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

YUDAS 1:18

Hataholi sila la, lafa'da lakahuluk emi lae, sanga losa le'do fai mate'e ka soona, neukose hapu hataholi mana hakinonoli emi a, ala to'da mai. Hataholi sila la nde, hataholi fo laso'da tunga ka'da sila hihii-nanau masala-masingo nala.