PENGKHOTBAH 11:1 - Susula Malalaok Hehelu Palak Ma Hehelu Beuk

¹ Pe'da o doim-ma neu uma pe'da doik manai nusa dea. Tao leo bee-o, o hapu nanalak nai fai makabuin.

PENGKHOTBAH 11:1 ပူးပေါင်းရင်းမြစ်များ

AMSAL 11:18

Hataholi mangalauk-ka nanalan-na nde been-na, nanala manataik, hataholi manatao malole-a, nanalan-na nde been-na, nanala matetuk.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

AMSAL 22:9

Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

PENGKHOTBAH 11:6

Sele-nggali o bini-nggem nai faik fafain-na ma boso hahae nai fai le'odaen-na. Nana ita ta bubuluk sesele-nggalik bee kande moli no malole fa. Fafa'kama duas moli no malole boe.

PENGKHOTBAH 3:6

Manetualain naketu faik soaneu hapu falik-kana, ma faik soaneu namopon, faik soaneu kila-uku, ma faik soaneu didilo-dodolo,

YESAYA 32:8

Tehu hataholi ha'da-palii malole-a, tutu'u hata fo malole, ma ana tao malole boe.

IMAMAT 19:25

Nai teu ka liman-na dalek, besaka emi bole mi'a ai sila-la boan-nala. Metema, emi tao tunga basa nakanenetek sila-la soona, emi ai maboam-mala, laboa ba'uk-ka seluk. Au nde emi Manetualain.

MATEOS 10:13

Makanaema hataholi manai uma ndia dalek, ala sipok emi soona, emi nate'am ndia nahele nos. Tehu makanaema, ala ta sipok emi fa soona, hela falik emi nate'am ndia.

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

MATEOS 25:17

Leondiak boe, malalau-maoono mana sipo doi isi lilopilas lifu kadua ka, ana hapu bunak lifun dua seluk.

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

LUKAS 14:14

Neukose o nanaba'e-palak, nana hataholi sila la, neukose ala ta hapu balas o malole ma fa. Neukose o malolem ndia Manetualain nde bala sana, nai lelek hataholi malole la nanatao naso'da falik neme mamate sa mai.”

2 KORINTUS 9:6

Mafandendek leona! Te hataholi manasele-nggali bini-ngges faa ana ka, neukose ana ketu-kolu buna-boak faa anak boe. Tehu hataholi manasele-nggali bini-ngges ba'u ka, neukose ana ketu-kolu buna-boak ba'u ka boe.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.