PENGKHOTBAH 10:12 - Susula Malalaok Hehelu Palak Ma Hehelu Beuk

¹² Hataholi dodole maneu-a, kokolan-na tao-nan manafe ha'da-holomata. Tehu hataholi nggoak-ka mopo-mate, nanahu hala-kokolan-nala.

PENGKHOTBAH 10:12 ပူးပေါင်းရင်းမြစ်များ

2 SEMUEL 1:16

Dauk nafa'da ta'eanak Amalek ndia nae, “O nde maketu aom huhuku nisak ia, soaneu o aoinam-ma, nana o manaku mae o taomisa manek, fo Manetualain helek-ka!”

AYUB 16:5

Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

MAZMUR 140:9

Ou Manetualain, boso sipok hataholi managalauk-ka huhule-haladoin, boso sipok sila tutu'u tipu-dain-nala.

MAZMUR 37:30

Hataholi malole-a, hala-kokolan manatee-tenok, ana kokolak ndoos tataas esa, nai hala-kokolan-na dalek.

MAZMUR 64:8

Tehu Manetualain kou, kokou isin-na neus, de nggenge te, lakahina so.

AMSAL 10:10

See nafuni ndoos-sa soona, nakadada'dik toto'a-tataak; see nde fe salak neu hataholi no mangale'dok soona, ana tao susa tetu-temak-ka.

AMSAL 10:8

Hataholi malelak-ka, ana hii sipo nanoli-nafa'dak hataholi kokolan-na nggoak, neukose natofa-natalak.

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

AMSAL 15:2

Hataholi manatee-tenok-ka maan-na, kalua malelak; tehu hataholi dudu'a-aafi taak-ka, bafan-na kalua dede'a-kokola nggoak.

AMSAL 15:23

Dede'a-kokolak fo kokolak-kana la'e fain-na, neni namahoko-seteleek.

AMSAL 19:5

Hataholi fo, nasapepeko-nasandandali nai uma manakee-manafulak-ka, neukose ta nala deak neme huhukuk-ka mai fa.

AMSAL 22:11

Hataholi fo ana sue-lai dale ndoos-sa, ma hala-kokolan makeek-mamina soona, neukose, ana da'di manek-ka tia-lain.

AMSAL 26:9

Sama leo manamafuk-ka, ana due heni nggauk-ka neme liman dale mai, leondiak boe, hataholi nggoak-ka, kokolak dede'a nanoli-nafa'dak.

AMSAL 31:26

Ana kokolak no dale mangana'uk; dede'a kokolan manatee-tenok.

PENGKHOTBAH 12:11

Hataholi dodole maneu-a hala-kokolan ndia, sama leo manafoo esa aitete'e matanen-na, aitete'ek fo ana paken soaneu nasulu-nahapa bi'ilopon-nala. Dede'a makandandaak ma nanoli-nafa'dak, nanatao nakabubuak sama leo pakuk-ka ana tola de nahele. Manetualain baba'e-babatin basa sila-la boe, Ndia fo ita manafoo kisan-na.

PENGKHOTBAH 4:5

Hataholi-la lafa'da lae, ka'da hataholi nggoak kande nangatuuk ifa liman-na, fo ana poilotak aoinan-na mate no la'as-sa.

PENGKHOTBAH 5:2

Dalek-ka boetai ta tesa-tama fa soona, enok-ka boetai nanasoik soaneu malame'i me'is ta malole fa. Boetai kokolak ba'uk-ka soona, boetai enok-ka nanasoik kokolak dede'a-kokola nggoak.

PENGKHOTBAH 5:6

Sama-na leo me'is makadotok sila-la sosoa-ndandaan taa, leondiak boe bafa maloa, sosoa-ndandaan ta. Tehu bii neu Manetualain leona.

PENGKHOTBAH 9:17

Malole lenak nenene hataholi malelaina esa hala-kokola mangana'un-na neme hataholi manakoasa esa eekin-na nai hataholi panganaa-la nakabubuan dale.

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

LUKAS 19:22

Manek ndia nafa'dan nae, ‘O malalau-maoono mangalauk! Neukose au huku o nandaa no o hala-kokolam. O bubuluk au hataholi fo dale matea. Au ho'i hata fo ta au nung fa, ma au ketu-kolu buna-boak nai mamanak fo au ta sele-nggali fa.

LUKAS 4:22

Ana kokolak dede'a-kokola kala neulau hiik, nalosa hataholi la bafa nala bee poo ma ala sipok hata fo nafa'da ka. Tehu lafa'da lae, “Ade Yusuf ana na, ta nde ia fa hetu?”

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.