PENGKHOTBAH 10:10 - Susula Malalaok Hehelu Palak Ma Hehelu Beuk

¹⁰ Metema o felam-ma pa'an fo ta fofola fan soona, o muse maue-male'di no sosota-mamanguk nanseli. Pake o dudu'a-aafi maneum-ma, fo tutu'u makahuluk nai o dalem dale.

PENGKHOTBAH 10:10 ပူးပေါင်းရင်းမြစ်များ

1RAJA-RAJA 3:9

Hu ndia de, ou Manetualain, ela leo been-na fe au dudu'a-aafi manatee-tenok fo au paluun soaneu paleta O anam ia la no tunga ndoos ma matetuk, ma soaneu au bisa mete kofe'ek bee kande malole ma bee kande mangalauk-ka. Metema ta leondiak fa soona, hapu nai bee au hapu paleta O anam fo matuaina ia la?”

PENGKHOTBAH 10:11

Metema menge kaa, te ta tao makasufun nenik aidook fa, soona hataholi manamanea menge-a, sosoa-ndandaan ta so

PENGKHOTBAH 10:15

Ka'da hataholi nggoak-ka nde ta bubuluk enok leo uman neu fa, Naue-nale'di puselaipana no ana ta hahae fa.

PENGKHOTBAH 10:9

See naue-nale'di nai mamana kali batu soona, neukose lapuka langak fo lakahina. See bia ai soona, nau do ta nau fa, nakahina.

PENGKHOTBAH 2:13

Memak, au bubuluk, “Mantee-tenok-ka malole lena neme nggoak-ka mai, sama leo mangale'dok-ka boeo malole lena neme makahatuk-ka mai.

PENGKHOTBAH 9:18

Manatee-tenok-ka masosoa-ndandaak lena neme tafa-sisilo mai, tehu tauk titik esa tao nalutu kapaoe ullek esa.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

ROMA 16:19

Basa hataholi la bubuluk basa lae, emi lilineka neu nanolik la'eneu Manetualain Hala Malole na. Ma au amahoko neu dede'ak ndia la'eneu emi. Au nau fo ela emi manatee tenom la'eneu dede'a malole la ma emi mamanggoa la'eneu dede'a mangalau kala.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

ULANGAN 32:41

Neukose, Au fofola Au tafainang-nga, fo isin-na nangale'do, fo Au akalala'ok huhukuk-ka. Au balas basa manalena-la'ban neu Au-a, ma Au huku basa hataholi fo, ana ta hii Au fa.

KOLOSE 4:5

Nai emi tututi-nanatom mo hataholi kamahehele ta kala dalek, ela leo bee na emi maso'da no dudu'a-aafi matetu-mandaak, ma pake basa fai loak lala'ena no malole.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.