PENGKHOTBAH 1:3 - Susula Malalaok Hehelu Palak Ma Hehelu Beuk

³ Nai ita fai maso'dan-na dalek, ita taue-tale'di no puse titik. Tehu buna-boan nde bee, fo ita bisa tamatutua ita dalen-na?

PENGKHOTBAH 1:3 ပူးပေါင်းရင်းမြစ်များ

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 2:18

Au ue-le'ding buna-boan lala'en-na, ma au hahapung-nga neukose sosoa-ndandaan ta ba'eneu au, nana au muse la'oelas neu mananggati au-a.

PENGKHOTBAH 2:19

Ma see bubuluk, ade ndia dodole maneu do nggoak? Tehu leomae leo beek boe, neukose ndia nde nanuu au ue-le'ding buna-boan, fo au hapun nai au fai maso'dang-nga dalek nai daebafak ia, hu kande au sosota-mamangung ma au manatee-tenong-nga. Da'di ndia boeo manada'di taak.

PENGKHOTBAH 2:22

Nai hataholi daebafak-ka maso'dan-na dalek, ana puse nanggeok-ka no ue-le'dis-sa, ma ana sota-mangu; boema sosota-mamangun ndia buna-boan nde bee, fo ana hapu tao namatua dalen-na?

PENGKHOTBAH 3:9

Ade, ita sosota-mamangun buna-boan beek?

PENGKHOTBAH 4:3

Tehu manamaua-manalek lena seluk kande, hataholi fo beita bongi fas, nana sila beita lita tatao-nono'i mangalauk fo manatao-no'ik nai daebafak ia fa.

PENGKHOTBAH 4:7

Bei hapu seluk manada'di tak nai maso'dak ia dalek.

PENGKHOTBAH 5:16

Nai ita fai maso'dan-na dalek, ita tafangganggao nai makahatuk dale, ita susa, ita dalen-na ta tesa-tama fa, tamanasa ma dale he'dik.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

PENGKHOTBAH 7:11

Hataholi maso'dak-ka muse nanuu manatee tenok; manatee-tenok-ka beli-na sama no pusaka;

PENGKHOTBAH 9:13

Manamaik ia, hapu natutu'duk ese la'en besa-besa, tao leo beek fo hataholi-a so'u laik manatee-tenok-ka:

PENGKHOTBAH 9:3

Da'di ua nalek matak esa, ana tuni la'e basa-basas. De ndia nde been-na dede'ak esa neni dale he'dik, sama leo manada'dik manai daebafak-ka lala'en-nan boe. Nai lelek hataholi daebafak-ka bei nai fai maso'dan-na dalek, dalen-na henuk no tatao-nono'i mangalauk-ka, ma dudu'a-aafin boeo nggoak. Boema no kaiboik natongo no fai mamaten-na.

PENGKHOTBAH 9:6

Name'da susue tou-ta'ek ma iina-anafe'ok-ka, nakamuu-nakadauk-ka, ma dale hihiik fo manalua ponu-ponuk-ka, basa-basas mate sama-sama lon. Ana ta ho'i seluk baba'ek hata-hata nai basa manada'dik manai daebafak-ka lala'en-na so'on.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

HABAKUK 2:13

O matona-ma leoina-la, ala sota-mangu te sosoa-ndandaan ta, ma ha'i na'a heni basa lapadedeik-la hata lala'en-na. Manetualain Fo Manakoasa, hihi-nanaun basa sila lala'en-na.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

1 KORINTUS 16:16

Au oke te'e-te'e, fo ela emi tunga hataholi leo sila kala hehela-nonolen, boema hataholi fe'ek fo, laue-lale'di leu esa de malalau-maoono moos.