PENGKHOTBAH 1:17 - Susula Malalaok Hehelu Palak Ma Hehelu Beuk

¹⁷ Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 1:17 ပူးပေါင်းရင်းမြစ်များ

MAZMUR 73:16

Tehu, nai lelek au sanga enok, fo au alelak, dede'ak ndia tean-na seli, ba'eneu au.

PENGKHOTBAH 12:8

Au afa'da ae, memak basa sila-la manada'di tak, basa-basan palsuma, ma sosoa-ndandaan taa.

PENGKHOTBAH 2:17

Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

PENGKHOTBAH 2:3

Au hihii-nanaung nakatutuluk au, fo au da'di hataholi dodole da'uk, ma au daleng-nga kisak soaneu amahoko-setelee nenik au inu angol ma tao feta dote. Au ae daenga, ndia nde enok malole ba'eneu hataholi daebafak-ka, fo ana bubuluk maso'dan-na keke'uanak nai daebafak ia.

PENGKHOTBAH 3:19

Leomae leo beek boe, hataholi daebafak-ka ma buna-manu ua-nalen matak esa. Fo neukose mate esa, leondiak boe fe'e-fe'ek-kala. Duas nde been-na, sama-sama mahahaek mesan. Da'di, hataholi daebafak-ka ua-nalen ta lena neme bana-manu mai fa, nana ba'eneu duas, maso'dak ndia manada'di tak.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

PENGKHOTBAH 4:6

Fafa'kama dede'ak ndia la'en, tehu malole lenak hata-heto faa anak, sama-sama no dale manatesa-tamak-ka, neme naue-nale'di nenik liman duas, losa pusen-na titi ma usi anin-na.

PENGKHOTBAH 6:9

Basa sila-la manada'di tak sama leo sanga enok fo usi anin-na. Malole lenak, ata tame'da dai nenik hata fo ita tanuun, neme tahiik ba'uk-ka seluk tataas esa.

PENGKHOTBAH 8:16

Lelek au sanga enok fo hapu manatee-tenok-ka, ma au taoafik neu manada'dik manai daebafak ia lala'en-na, boema au ame'dan, leomae lele'do-le'odaen ita sota-mate, ta hahaeao-tala faa anak boen,

PENGKHOTBAH 9:3

Da'di ua nalek matak esa, ana tuni la'e basa-basas. De ndia nde been-na dede'ak esa neni dale he'dik, sama leo manada'dik manai daebafak-ka lala'en-nan boe. Nai lelek hataholi daebafak-ka bei nai fai maso'dan-na dalek, dalen-na henuk no tatao-nono'i mangalauk-ka, ma dudu'a-aafin boeo nggoak. Boema no kaiboik natongo no fai mamaten-na.

1 TESALONIKA 5:21

Emi muse palisak besa-besa mo basa hata lala'ena, fo bee ka nde malole a soona, muse tunga ka nde ndia.