PENGKHOTBAH 1:13 - Susula Malalaok Hehelu Palak Ma Hehelu Beuk

¹³ Au daleng-nga kisak soaneu palisak matalolole ma anoli no dudu'a-aafi manatee-tenok neu basa hata lala'en fo ana da'di nai daebafak ia. Ua-nalek fo Manetualain sadian ba'eneu ita, te'e-te'e neni dale he'dik.

PENGKHOTBAH 1:13 ပူးပေါင်းရင်းမြစ်များ

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AYUB 28:3

Makahatu kiu-kiuina, ana tola mamanak madema ina, fo nanapalisak matalolek. Hataholi-a sanga batu, nai ndia, fo nai makahatuk dale,

MAZMUR 111:2

Tete'ek-ka, Manetualain tatao-nono'in matabeuk, nandaa, hataholi fo lahiik-kana, ala palisak matalololen.

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

AMSAL 18:15

Hataholi dale malole-a maa ma'da malelak-ka tataas esa; hataholi manatee-tenok-ka, ana hii hapu nanolik tataas esa.

AMSAL 23:26

Anang-ngonei, taoafik matalolole, ma tunga au so'dang-nga, eno-dalan.

AMSAL 25:2

Manetualain nananamatutua-namadedemak, hu kande hata fo nafunin; manek-ka nanafe ha'da-holomata, hu kande hata fo, nafa'da mangalele'don.

AMSAL 4:7

O muse tao dede'ak fo nanapaluu makasososak-ka nde, sanga enok fo da'di hataholi manatee-tenok. O usi su'di hata beek-ka boeo, makasososan-na nde, sanga enok fo hapu dudu'a manadaik-ka.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 11:5

Manetualain tao basa-basan lala'en-na, ma hataholi daebafak-ka ta bisa nalelak nakeketun-na fa; leondiak boe ta nalelak so'da beuk-ka momoli-dada'din nai inak esa ilun dale fa.

PENGKHOTBAH 12:12

Anang-ngonei, la'eneu dede'ek esa ia soona, o muse manea besa-besa. Susulak nanasulak-ka, ta hapu mate'en-na fa, ma tanoli ba'uk-ka nanseli soona, tao nasota aopaa samanek.

PENGKHOTBAH 2:23

Su'di beek fo ana taon nai naso'dan-na dalek, ka'da neni doidosok ma dale he'dik ba'eneun. Nai fai le'odaen-na boeo, dalen-na ta tesa-tama fa. Da'di basa sila la mate'en-na manada'di taak.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

PENGKHOTBAH 3:10

Au bubuluk ae Manetualain fe lelepa mabela neu ita.

PENGKHOTBAH 3:11

Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 7:25

Tehu au anoli te'e-te'e fo sanga malelak-ka, fo ela au hapu manatee-tenok-ka, ma natataak soaneu natatanek lala'en-na. Au so'ba bubuluk sala-singok ndia tatao-nono'i nggoak, ma tatao-nono'i manalauk-ka nde been-na napalanik.

PENGKHOTBAH 8:9

Au ita basa ia-la, nai lelek au taoafik neu manada'dik manai daebafak ia lala'en-na. Nasi'a hataholi daebafak-ka pake koasan-na soaneu tao soe nonoo hataholin-na.

1 TIMOTIUS 4:15

Tao-no'i basa sila la no o dale katema tua ma, fo ela basa hataholi la lita, o ue-le'dim nini buna-boa malole.