OBAJA 1:7 - Susula Malalaok Hehelu Palak Ma Hehelu Beuk

⁷ O nonoom manalook o-a, ala ke'di-ndiu o, de ala usi heni o neme o nusam-ma mai. O tia-laim-mala sengi o, ma hataholi manala'a lakabubua loo o-a, lakahihi'ik-la o. Ala beetane la'eneu o lae, ‘Besak ia, malelan lala'en-na nai bee?’

OBAJA 1:7 ပူးပေါင်းရင်းမြစ်များ

MAZMUR 41:10

Nakalenak au tia-laing fo au amaheles anseli, hataholi fo la'a lakabubua loo au-a, lakadadaek au so.

MAZMUR 41:9

Lafa'da lae, “He'din-na belak-ka nanseli, de ana ta bisa fo'a so'ok.”

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 30:14

Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.

YEREMIA 38:22

Nai ninitak ndia dalek, au ita inak-inak fo bei manai Yehuda uma manen-na basa-basas nanafoo nenik lo deak neu fo leo manek Babel-la mauli-malangan-nala neu. Ala bei la'ok, te lafa'da lae, ‘Manek-ka nananakadadaek neme tia-lai dedenan-nala mai, ma ala koasa-nan. Besak ia, basa ein-na sapi lo'do lo lane dale neu soona, sila basa-basas lakano'dok.’ ”

YEREMIA 4:30

Hai Yerusalem, o nanalaoelak so, de o ta hapu tao hata-hata esa so boen! Sosoak hata, pake ba'du pilas ma balias aoinam-ma nenik lilopilas, lilofulak, boema lose badaak neu o mata lou laim-ma? Palsuma la'iesak-kana, o balias o aoinam-ma, nana basa o susue tou-ta'em ina-anafe'om-mala ta litu o so'on, nakalenak, ala nau taolisa o

YEREMIA 49:7

Manetualain nafa'da nae leo ia neu Edom, “Ade hataholi Edom-mala ta hapu dudu'a-aafi neulauk fa? Hu beek nde emi manatee-tenom-mala ta fe seluk emi dudu'a-aafik! Basa sila eno dalan so!

RATAPAN 1:19

Au aloo au tia-laing-ngala tehu lalelesi au. Mate basa imam-mala ma mauli-malangan leoina-la nai kota enon-nala lain. Nai lelek ala sanga nana'a-neninuk fo laso'da lahele.

HOSEA 13:13

Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’