OBAJA 1:5 - Susula Malalaok Hehelu Palak Ma Hehelu Beuk

⁵ Nakodaa do manabonga uma, ala mai nai fai le'odaen-na, ala ho'i ka'da hata fo lahiik-kana. Hataholi manaseu angol nai osi dale, ana bei seu ela boak de'ubee. Tehu neukose o musum-mala, ala sapu balisi o.

OBAJA 1:5 ပူးပေါင်းရင်းမြစ်များ

2 SEMUEL 1:19

“Israel nai O pupukum-mala lain, fo nai dook eli palani ta'ti batu-la, mates, mate heni basa ta'eanak nusaina-la, da'di leo bunga leoina.

YESAYA 14:12

Hai manek Babel-la nei, makahulun-na o nduu lolebalahaak fo nasa'a, tehu besak ia, o tu'da meme lalai mai so! Makahulun-na o sengi leoina-la, tehu besak ia, nanatu'u henik leo dae lain neu.

YESAYA 17:6

Sama leo ai setun-na, boan-na nanaseu basak, de ela ka'da boak de'ubee lai ndana pe'dan-nala, leondiak boe, nai Israel, neukose hataholi maso'dak ka'da lumanak. Au, Amak fo Israel Manetualain-na, nde manakokolak-ka.”

YESAYA 24:13

Manada'dik ndia nde, neukose ana da'di neu leoina esa-esak, nai basa daebafak-ka lala'en-na. Fo nde, sama leo nai faik fo ketu-seuk-ka, fo lelek, seu basa la'iesak ai setun-na boan-na, ma seu angol-la boa mate'en-nala neme huun-na mai.

YEREMIA 49:9

Hataholi manaseu boa angol-la soona neukose ana la'o ela nggelok, ma metema nako-a mai nai fai le'odaen-na soona neni ka'da hata fo nahiik-kana.

YEREMIA 50:23

Basa daebafak-ka nanafepak neme Babel losa nakalulutuk, tehu besak ia fefepak ndia la'di henin so! Basa leoina-la lamanene de ala nggenge, beek fo manada'di nai leoina ndia.

YEREMIA 6:9

Manetualain Fo Manakoasa, nafa'da au nae, “Neukose Israel-langan-na, nananggeupolik losa dilak, sama-na leo osi angol fo, seu basa angol-la boan-na so. Hu ndia de, lelek bei hapu fai loak soona, soi-tefa-mala bei elak-kala.”

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

OBAJA 1:9

Basa palani ta'ti batu maneme Téman mai, neukose ala bii lanseli, ma neukose mate basa solda'du Edom-mala.”

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

NINITAK 18:10

Neukose lapadeik leme doo ka mai, nana ala bii sila la'e doi-doson. Lafa'da lae, “Awii, susa-soen ba'una seli ba'eneu kota Babel fo mabe'i-balakaik, kota fo nananita-nalelak ndia! Nai ka'da li'u esa mesa kana de o huhuku ma nananakalala'ok!”