OBAJA 1:3 - Susula Malalaok Hehelu Palak Ma Hehelu Beuk

³ O dale manakoao-ndaeaom-ma ke'di-ndiu o so. O nusam-ma polon-na nde been-na lete batu matea-mahelek. O mamana leleom-ma nai lete madema-la poin-na. Hu ndia de, emi bedoo mae, see kande bisa tao nabuu au?

OBAJA 1:3 ပူးပေါင်းရင်းမြစ်များ

KEJADIAN 36:8

Boema Esau fo ala foin na'de Edom ndia boe, ana leo nahele neme nusak manai letelepak Seir-ra.

2RAJA-RAJA 14:7

Nai natee-natatik esa dalek, Amazia taonisa solda'du Edom 10.000 neme Bafak Asin-na, de natona-na, kota Sela. Ana foi kota ndia, na'de Yokteel. Losa besak ia, kota ndia bei na'de Yokteel nahele.

2TAWARIKH 25:11

Amazia napalalani ao de noo solda'dun-nala leo Bafak Asin leu. Nai naa, latee-latati boema ala taolisa solda'du Edom lifun sanahulu.

2TAWARIKH 25:12

Ala foo leni fe'ek lifun sanahulu. Loos leo lete batu manai kota Sela poin-na neu, boema ala ko'o las de ala tapas leo dae leu nalosa mates.

AYUB 20:6

Leomae matua-mademan losa lalai, nalosa langan-na koila'e ko'as-sa boe,

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

AMSAL 18:12

Hataholi manakoao-ndaeaok-ka, neukose ana tu'da, hataholi dale taidaek-ka, neukose nanafe ha'da-holomata.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

YESAYA 16:6

Leoina Yehuda nafa'da nae, “Ami mamanene basa, leoina Moab-pa, koao-ndaeaon so. Ami bubuluk lae sila lamatutua-lamadedema aoinan-nala ma koao-ndaeaok. Sila hala-kokolan-na ka'da bafa louk, fo isin ta.”

YEREMIA 21:13

Makabuin-na boema Manetualain nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

YEREMIA 37:9

Au, Manetualain, fe emi nasanene'dak, fo ela emi boso ke'di-ndiu seluk emi ao paam-ma nenik dudu'a mae, hataholi Babel-lala e'us de neukose ala ta fali fa. Nana tao leo beo neukose ala fali ma'is.

YEREMIA 48:28

Emi fo Moab laun-nala lemin, la'oela emi kotam-mala fo leo nai kakalak dalek sama leo manupui kalua ana tao ndunu-na nai felak madema su'un-na.

YEREMIA 49:16

O koam-ma tao-na namanggoa. Ta hapu esa boen fo ana bii o sama leo o dudu'a-aafim-ma. O leo nai batu maka'bik fo dook-ka nai lete poik. Tehu mae o tao uma nai mamana madema nanseli; deman-na sama leo manupui kaka-ka ndunun-na, Manetualain nakona o neme ndia. Manetualain fo nde nafa'da basa sila-la.”

YEREMIA 49:4

Hei emi fo manalilineka tak! Tao le'e de emi madedema felak-kala fo leloaka? Hu beek nde emi koao neu emi su'i-beten! Neme bee mai emi hapu mafa'da mae ta hapu hataholi esa boen fo ana la'ban o?

YESKIAL 28:16

O langam-ma dila no ka'da nase'o-banasak-ka, de ndia nde neni o leo naseti-nalakak-ka ma sala-singok-ka neu. Boema, Au usiheni o meme Au lete malalao-malalafung-nga mai, de ata nusa so'dak manamanea o-a, ana usiheni o meme batu poemata mangadilak sila-la, tala'da mai.

MALEAKHI 1:4

Leouni'ka, Esau tititi-nonosin, fo hataholi Edom sila-la lae, “Ami kotam-mala, nanatao nakalulutu basak so, tehu neukose ami mafofo'a falik-kana,” soona neukose, Manetualain nataa nae, “Sila bole lafofo'a falik-kana, tehu neukose Au tao atu'un. Neukose lokes soona lae, ‘Nusak nanasoo-supak’, ma loke sila soona lae, ‘Leoina manahapu Manetualain nasa-melun, losa dodoon-na.’ ”