OBAJA 1:21 - Susula Malalaok Hehelu Palak Ma Hehelu Beuk

²¹ Yerusalem laun manasengin-nala, neukose leu sapu-la Edom, fo ala sengin. Soona Au, Manetualain neukose paleta da'dileo manek.”

OBAJA 1:21 ပူးပေါင်းရင်းမြစ်များ

KEJADIAN 25:23

Manetualain nafa'dan nae, “Leoina dua nai o teim dale; neukose o bongi leoina dua, fo esa musu no esa; fa'dik-ka balakain-na lena neme ka'ak-ka mai, fo uluk-ka nalalau-naoono mate'a teisu'uk-ka.”

2RAJA-RAJA 13:5

Manetualain fe hataholi Israel-la, mauli-malangan esa, fo ana so'i-pois leme Siria koasan-na mai, nalosa laso'da no mole-dame seluk, sama leo makasososan-na.

NEHEMIA 9:27

boema O fes leo musun-na fo no dale susue-lalai tak, ala koasas ma tuni-ndenis. Tehu nai susa fo ana tuni-nalas-sa, laloo bebou neu O loke tutulu-fafalik. O mamanene neme nusa so'dak-ka mai; O fe natataak no susue-lalai henuk. O haitua mauli-malangan ma palani ta'ti batu, fo soi-po'is leme musu nok-ka mai.

MAZMUR 102:15

Nana O atam-mala sue-lain, leomae ana da'di ai batu manandefak so. Dalen-nala, tu'da kasian neun, leomae ana da'di daesopuk so.

MAZMUR 22:28

Neukose basa leoina-la lafandele neu Manetualain fo ala fali ma'is, basa leo ma leoina lala'ena, neukose ala sene-do'ok-kana.

MAZMUR 22:29

Nana Manetualain nde manakoasa, Ana paleta leoina-la.

MAZMUR 47:7

Makamee nakamee kokoa-kikiok ba'eneu Manetualain leona, makamee nakamee kokoa-kikiok ba'eneu ita Manen-na!

MAZMUR 67:4

Ela leo bee-na, leoina-la koa-kio O, ou Manetualain, ela leo bee-na, basa leoina-la loke makasi neu O.

YESAYA 19:20

Mei tutunu-hohotuk ma dii batu ndia, nalupa dulak neme Manetualain Fo Manakoasa, mamain-na nai Masir. Metema leoina ndia nanatuni-ndenik, fo naloo bou-bou noke tutulu-fafalik neu Manetualain soona, neukose nadenu hataholi esa neu fo ana tulu-falis.

YESAYA 24:23

Neukose bulak-ka makahatuk, ma le'do-a, ta nasalaa so'on, nana Manetualain Fo Manakoasa, neukose Ana paleta da'di leo manek. Neukose Ana paleta nai Yerusalem, nai Pupuku Sion-na lain, ma natu'du matua-mademan neu basa anan-nala mauli-malangan-nala.

DANIAL 12:3

Basa mauli-malangan manatee-tenok-kala, neukose landela-lasa'a sama leo lalai-a mangale'don-na. Ma ba'eneu sila fo lanoli hataholi makadotok soaneu tao-no'i hata malole, ndoos ma matetuk-ka, neukose landela-lasa'a sama leo nduuk-kala losa dodoon-na.”

DANIAL 2:35

Nai hatematak ndia boe, dodoki-dudulak ndia lala'en-na nakalulutuk, de ana da'di besi manadoudouk, dae ulek, liti, lilofulak, ma lilopilas fo noe henin sama leo afu nai keke'di gandum-ma mamanan-na, nai fai hanan-na. Anin-na fuu madoudouk ndia de ana lapu, nalosa ta la'oela leen faa anak boe. Tehu batu manatao natu'u dodoki-dudulak ndia namatua, boema ana da'di lete matuaina de henu basa daebafak-ka lala'en-na.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

DANIAL 7:27

Basa nusak manai daebafak-ka lala'en-na koasan ma matua-mademan, neukose nanafek leo Manetualain Fo Mademaina anan-nala neu. Neukose sila koasan soaneu paleta, ta nate'e fa, ma basa manakoasa manai daebafak-ka neukose lamaheles ma ala tungas.”

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

MIKHA 4:7

Ala tao lalas da'di lu'uk so, ma dook-ka leme nggolo-ta'dun mai. Tehu, neme bei ela hataholi sila-la mai, de neukose Au mulai tititi-nonosi beuk esa. Neukose ala da'di leoina matua ma mabe'i-balakaik. Neukose Au paletas nai Pupuku Sion-na losa dodoon-na.”

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

MATEOS 6:10

Ami mane ma nde O, Ela leo bee na, O paleta nai daebafa ka fo ela ala tao tunga O hihii-nanaum, sama leo nai nusa so'da ka.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

LUKAS 22:30

No enok ndia emi boeo tunga mamahoko-setelee mo Au, nai lelek Au da'di Mane ka. Ma neukose emi mangatuuk nai kandela manek kasanahulu dua kala lain, soaneu paleta Israel leoina kasanahulu dua nala!”

1 TIMOTIUS 4:16

Manea o ao ina ma, ma manea o nanoli ma boe. Ela leo been-na, o lilineka mahele nai basa dede'ak sila la dalek, nana no enok ndia, neukose o moo hataholi fo lamanene o nanoli mala, hapu so'dak.

YAKOBIS 5:20

mafandendelek, Susula Malalao ka lalanen esa nde ia nafa'da nae, Hataholi fo no falik hataholi masala-masingok esa, neme eno-dala masala-masingo na mai soona, hataholi ndia soi-tefa na hataholi masala-masingok ndia samane na neme sala-singo ka mai, ma neme mamate sa mai, ma ana tao na, sala-singok ba'u ka, nanafe do'o do ampon. Ha'da-holomata neme ami, Yakobis

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 19:6

Boema au amanene hala ka sama leo hataholi makadotok lalo bebou. Halak ndia napane'e nanseli sama leo lii matuaina ngguu na, ma sama leo manggulu ka nanggulu. Au amanene lafa'da lae, “Koa-kio Lamatua ka! Nanahu ita Manetualain Fo Mana Koasa ndia Ana da'di Manek so!

NINITAK 20:4

Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.

HAKIM-HAKIM 2:16

Manetualain fes mauli-malangan do'e-do'e, fo ala sanga enok soaneu soi-po'is leme hataholi mangalauk, ma hataholi nakodaa-la mai.

HAKIM-HAKIM 3:9

Basa boema, hataholi Israel-la laloo bou-bou, loke tutulu-fafalik neu Manetualain, boema Manetualain fe Otniel neu soi-po'is. (Otniel nde bee-na, Kenas fa'din Kaleb, anan-na.)