OBAJA 1:19 - Susula Malalaok Hehelu Palak Ma Hehelu Beuk

¹⁹ Hataholi Yehuda Kona-la, neukose langatuu-la Edom. Hataholi maneme letelepak muli-la, neukose latona-la nusa Filistin-na. Leo Benyamin-na, neukose nagatuu-na Gilead, ma Au anang Israel, neukose koasa-na Efraim no Samaria lala'en-na.

OBAJA 1:19 ပူးပေါင်းရင်းမြစ်များ

2RAJA-RAJA 17:24

Fo mananggati hataholi Israel, fo nanafoo basak leo mamana ookak-ka neu ndia, de mane Asyur-ra fe hataholi leo nai kota-kota manai Samaria, de ana ho'i hataholi neme Babel, Kuta, Awa, Hamat, ma Sefarwaim. Hataholi sila, langatuu-la kota sila-la, de ala leo lahele leme ndia.

1 TAWARIKH 5:26

Hu ndia de, Manetualain nakababale Pul, fo manek Asyur-ra dalen-na, boema neu sapu-na nusak ndia. Pul boeo lalelak-kana da'di leo Tiglat-Pileser. Boema leo Ruben, Gad ma leo Manasye fo manai Yarden boboan dulu, nanafook da'di leo hataholi nanafook, de ala tu'us leo Halah, Habor, Hara ma mamanak esa deka no Lee Gozan na. Ala leo lahele lai naa losa faik ia.

EZRA 4:17

Boema, manek-ka haitua hala natataan-na nae leo ia, “Neu Filana Rehum, ma Simsai fo propensi-a, hataholi manasulak susulan-na, ma basa sila tia-lain, fo manaleo manai Samaria, ma kota-kota fe'ek manai propensi Efrat Muli. So'da-molek.

EZRA 4:2

Hu ndia de, leu latongo loo Zerubabel ma mane leo-la, de lafa'da sila hahapun-na lae, “Fe ami loak, fo ami tunga mafofo'a Manetualain Uman ndia, nana ami boeo sene-do'ok neu tolanook-kala Manetualain-na, sama-na leo tolanook-kala boe. Ami fen tutunu-hohotuk tataas esa ndek Esar-Hadon, fo Asyur manen-na, no ami leo ia mai-a.”

MAZMUR 69:35

Koa-kio Manetualain, hai lalai ma daebafak-ka, tasi no basa mahahaek manai dalek-ka.

YEREMIA 32:44

Neukose susulak nase'o-banasan-na nanalima leek, ma nana segel, ma nana tao natea-nahelek neme sakasii-la mai. Ndia neukose ana da'di nai Benyamin mamanan-na nai Yerusalem nggolo-ta'dun-nala boboa-kaisun, nai Yehuda kotan-nala, nai letelepak kotan-nala, nai nggolo-ta'duk manai letelepak-kala huun-na, ma nai Yehuda boboan kona, Neukose Au tao ahii leoina ia heheo-hihilun nai nusak ia. Au, Manetualain, nde manakokolak-ka.”

YEREMIA 49:1

Manetualain nafa'da nae leo ia neu Amon, “Tao le'e de dae leo Gad ala loso lan ma hataholi manamamahele lamatua daebafak Milkom ala leo loon? Do ta hapu hataholi Israel fo nasala'e nggolok ndia?

YESKIAL 25:16

Hu ndia de, Au po'a-benga ae neukose, Au sapu-a hataholi Filistin-nala, fo Au tao amate-amopos. Neukose Au taoisa, basa hataholi fo bei elak manai Filistin tasi su'un-na.

YESKIAL 36:28

Boema neukose, emi leo nusak fo, Au fen neu emi bei-ba'ikaim-mala. Neukose emi da'di Au anang, ma Au boeo, neukose da'di emi Manetualaim-ma.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

AMOS 1:8

Neukose Au tipa heok laun-nala loo hataholi manakoasa manai kota Asdod ma Askelon-nala. Neukose Au huku Kota Ekron, ma neukose Au tao amopo-amate bei ela hataholi Filistin-nala.”

AMOS 9:12

Hataholi Israel-la neukose ala koasa bei ela nusa Edom-ma boema basa leoina fo makahulun-na Au nuung. Au, Manetualain, kokolak basa so, de neukose Au tao atetu dede'ak ndia.”

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

YOSUA 13:25

Sila nusan-na, neni Yaezer ma basa kota manai Gilead-ta, boema seli neme leoina Amon-na nusan-na mai, losa leo Aroer fo nai Raba boboan dulu;

YOSUA 13:31

Basa boema, nusa Gilead-ta seli, nai dalek boe, boema Asytarot ma Edrei, fo nde Mane Og-ka nai Basan, nusa paletan-na, popon duas. Ala fe la'iesak nusak ndia leo Mahir, fo Manasye anan-na, tititi-nonosin teidalen-nala.

YOSUA 15:21

Kota-kota fo doon-na seli, nai boboan kona, fo da'di Yehuda pusakan-na, nai too no Edom-ma, basa-basas kota duahulu sio, fo nai dalek hapu nggolo-nggolok manai boboa-kaisun-nala. Kota-kota sila-la nde: Kabzeel, Eder, Yagur, Kina, Dimona, Adada, Kedes, Hazor-Hadata, Keriot-Hezron (fo nde Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baal-laa, Iyim, Erem, Eltolad, Khesil, Horma, Ziklag, Madmana, Sansana, Lebaot, Silhim, Ain ma Rimon.

YOSUA 15:33

Kota-kota fo nai dalek hapu nggolo-nggolok manai boboa-kaisun, fo lai pupukuk-kala huun-na, basa-basas kota sanahulu haa, fo nde: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera ma Gederotaim.