OBAJA 1:18 - Susula Malalaok Hehelu Palak Ma Hehelu Beuk

¹⁸ Neukose Au anang Israel sama leo ha'i, fo na'a heni basa Esau tititi-nonosin, sama leo ha'i na'a heni ha'deaik-ka nai tina. Ta hapu hataholi esa boen neme Esau tititi-nonosin mai, neukose naso'da. Au, Manetualain nde manakokolak-ka!

OBAJA 1:18 ပူးပေါင်းရင်းမြစ်များ

2 SEMUEL 19:20

Atam-ma, name'da te'e-te'e, atam-ma tao basa sala-singok so, hu ndia de, nai basa leo-leo manaleo manai nusa kii-la dalek, atam-ma nde makasososa, mai sipok Ama Manek nai faik ia dalen-na.”

KELUARAN 5:12

Boema hataholi Israel-la, ala la'ok okofefeo dae Masir-ra lala'en-na, fo ala sanga ha'deaik.

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YESAYA 47:14

Mitak, sila sama leo ha'deaik fo, ha'i na'an; ala ta hapu soi-tefa-la sila aoinan-nala mesak-kana fa! Ha'i ndia, pilan-na, nahaa nanseli ba'eneu sila ta nde ha'i mato'bik fo dala fa.

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 11:23

Au aketu basa fain-na soaneu emi mamate-mamopok ba'eneu hataholi-hataholi Anatot-tala, ma metema sila huhukun-nala losa soona, neukose hataholi esa ta naladeak fa boen.”

YESKIAL 37:16

“Hai hataholi daebafak fo, manasapu-manalalok-konei, ho'i-ma aitete'ek esa, fo sulak dede'ak ia-la neu lain, nae, ‘Nusa Yehuda’. Soona, ho'i-ma aitete'ek esa seluk, fo sulak dede'ak ia-la neu lain, nae, ‘Nusa Israel-la’.

YESKIAL 37:19

mafa'da mae Au, Manetualain Fo Mademaina, neukose Ana ho'i-na aitete'ek fo, manada'di ta'du-tana neu Israel-la, fo Ana tao nakabubuan no aitete'ek fo, manada'di ta'du-tana neu Yehuda. Au Neukose Au tao aitete'e ka duak sila-la da'di esa, fo Au ho'us nai Au limang dale.

YOEL 2:5

Lakaboboku nai letelepak-ka poin-na, ei ndu'un-na, sama leo kaleta musu lulu-tata ma sama leo ha'i na'a na'u-aiana tuuk-ka, de poto-poto. Ala la'ok lakadadalak, sama leo solda'du ao makadelek, fo naheheleaon leo musu dale neu.

AMOS 1:8

Neukose Au tipa heok laun-nala loo hataholi manakoasa manai kota Asdod ma Askelon-nala. Neukose Au huku Kota Ekron, ma neukose Au tao amopo-amate bei ela hataholi Filistin-nala.”

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

AMOS 6:6

Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

OBAJA 1:16

Au anang-ngala linu nininuk fo nalupa sila huhukun-na so, nai Au lete malalao-malalafung lain. Tehu nininnuk ba'eneu leoina manai daebafak ia, makahe'duk lena seluk bai. Ala ta hapu latapo'i leme huhukuk ndia mai fa. Sila muse linun losa basan, fo basa soona, neukose mopok-kasa fo ta hapu sesee-bobolon lai bee fa.”

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

1 KORINTUS 3:12

Hapu nggelok lafofo'a uma nai fanderen ndia lain, ninik ala pake lilopilas, nggelok ala pake lilofulak, nggelok ala pake poemata, nggelok bai soona, ala pake ai, na'u tuk do ha'deaik boe.