OBAJA 1:15 - Susula Malalaok Hehelu Palak Ma Hehelu Beuk

¹⁵ “Tete'ek-ka fain-na deka soaneu Au, Manetualain, aketu-ala'di leoina-la. Hata fo Edom tao-no'in, neukose ana hapu babalan-na. Boeo neukose, neme'da hata fo ana tao-no'in.

OBAJA 1:15 ပူးပေါင်းရင်းမြစ်များ

ESTER 9:25

Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

AYUB 24:1

Tao le'e de, Manetualain ta naketu fai naketu-nala'dik-ka fa, fo ela hataholi manamalelak-kana, ala hapu ndoos ma matetuk-ka fa?

MAZMUR 137:8

Hai Babel, neukose o nanatao namopo-namatek! Maua-manalek ba'eneu hataholi fo, ana balas o tatao-nono'i mangalaum, fo o taon neu ami-a.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YEREMIA 49:12

Hataholi fo ta nandaa huhukuk fa neukose ana hapu huhukuk boe, tao le'e de o ta? neukose o hapu huhukuk!

YEREMIA 50:29

Manetualain nafa'da nae, “Mafa'da basa manakou-la sapu-la Babel. Mafa'da neu basa manakou malelak-kala okofefeo kota ndia ma boso ela esa nala deak boen. Fe falik sila tatao-nono'in ma taon sama leo ndia ha'da palin-na hu ka nde ndia ta fe ha'da-holomata neu Au, Israel Manetualain fo Malalao-malalafuk-ka.

YEREMIA 51:56

Sila mai tao nakalulutuk Babel, ho'u leni soloda'du ma helula'di sisilon-nala. Au, Manetualainfo nde manahuku tatao-nono'i mangalauk, ma neukose Au balas Babel tunga ndia tatao-nono'ik.

YESKIAL 35:11

Hu ndia de, no Au Manetualain fo maso'dak-ka, na'den-na, neukose Au balas nape'da dalek neu o, nanahu emi mamanasa, emi mape'da dalek, ma emi ta hii Au anang-ngala fa. Neukose ala bubuluk, lae Au huku emi, nanahu emi tatao-nono'im soaneu sila.

YESKIAL 35:15

sama leo emi boeo mamahoko, nai lelek emi mita Israel da'di dae louk. Seir leten-nala, nakalenak basa dae Edom-ma lala'en-na, neukose ana da'di dae louk. Soona besak-ka basa hataholi-la, neukose ala bubuluk lae Au nde, Manetualain-na.’ ”

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

AMOS 5:18

Tete'ek-ka, soe ba'eneu emi fo mahiik Manetualain fain-na! Faik ndia, sosoan-na beek ba'eneu emi? Faik ndia ka'da nalupa fai makahatuk, te ta fai mangale'dok ba'eneu emi fa.

AMOS 5:20

Memak Manetualain Fain-na neni makahatuk, te ta mangale'dok fa. Fai masakoko'ak ma manamama'uk.

HABAKUK 2:8

O bonga basa leoina ba'uk-ka uman-nala so, tehu leoina fo o ta hapu bonga uman-nala fa, neukose ala bonga o umam-ma, nanahu o tao basa kanisak so, ma nanahu o tatao-nono'im, fo ta nanuu dale susue-lalaik ndia neu nusa-nusak-kala, kota-kota-la, ma laun-nala.

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

HAKIM-HAKIM 1:7

Boema, Adoni-Bezek nae, “Makahulun-na, au te'te heni manek hituhulu, limaku'uinan-eiku'uinan-nala so, boema au po'ilotak-kasa la'a nana'a elak fo manatu'da leme au meing lain mai. Besak ia, Manetualain tao au, saman-na leo au tao sila.” Basa boema, ala fo leni Adoni-Bezek leo Yerusalem neu, de maten neme naa.