OBAJA 1:12 - Susula Malalaok Hehelu Palak Ma Hehelu Beuk

¹² Ta nandaa, o mamahoko nai hataholi Yehuda-la susa-soen-nala dalek, ma mamahoko nai faik fo o tolanoom ndia mopo-mate. Ta nandaa, o tui dede'a sosoa-ndandaa tak nai lelek ana susa.

OBAJA 1:12 ပူးပေါင်းရင်းမြစ်များ

AYUB 18:20

Laun manai nusak muli-la, ala nggenge-la, nai lelek lamanene ua-nalen da'di tao leondiak, tehu laun manai nusak dulu-la, dele bengge'be, hu kande bibii-namata'uk-ka.

AYUB 31:29

Beita la'i esa fo, au amahoko, hu kande au musung-nga doi-doso, do au amahoko, hu kande ana hapu soe.

MAZMUR 22:17

Hataholi mangalauk bubuak esa, lakahapi-la au; sama leo busa bubuak esa, lakamomotu-la au, ala papau au limang-nga ma au eing-nga.

MAZMUR 31:18

Ou lamatua daebafak, boso po'ilotak au hapu mamaek, o Manetualain, nana au aloo bou-bou neu O. Nemen-na fo hataholi mangalauk-ka nananakamamaek, ma no denge-dengek, ana kona leo hataholi manamatek-ka, daebafan-na neu.

MAZMUR 35:15

Tehu nai lelek au susa, sila lamahoko, ma lakamomotu-la au, fo ala la'ban au. Ala la'ok sama leo hataholi ei helak-ka, fo lakamumulu-lakamamaek au.

MAZMUR 37:13

Tehu Manetualain hika hataholi mangalauk-ka, nana Ana bubuluk hataholi ndia, fai mate'en-na, ana deka so.

MAZMUR 54:7

Neukose Ana huku au musung-nga nenik sila tatao-nono'i mangalau mesan-na, ma tao mamopo-mamates, nana Ana lilineka neu au.

MAZMUR 59:10

O nde au be'i-balakaing, de au amahena neu O, O da'di au mamana nalaing-nga ou Manetualain.

MAZMUR 92:11

O tao-ma au balakaing-nga, sama leo banteng fuik-ka balakain-na, ma O ba'e-pala au, nenik ua-nale malole.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

YESAYA 37:24

O madenu hataholi neu fo ana kokolak bafa louk, nae no o kaleta musu makadotom-mala, o sengi letek fo, deman-nala seli, nai Libanon. O koao-ndaeao, mae o lo'oheni, basa ai kaiou fo madema nanseli, ma mana'ahiik nanseli, boema o tola tunga nula manggiok-kala tala'da.

RATAPAN 2:16

Basa o musum-mala mete o mata-panam no nakamuu-nakadauk, ala hika ma latitii nisi o. Lafa'da lae, “Ami tao mamopo-mamate kota ndia so! Mate'en-na, faik fo ami mahani talu-talu moon-na, ana losa boe!”

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

YESKIAL 35:12

Soona besak-ka emi bubuluk mae Au, fo Manetualain, amanene basa emi hakinonolim-ma, nai lelek emi mafa'da mae, Israel leten-nala louk so, ma nanafek leo ita mai, fo da'di ita nana'an.

YESKIAL 35:15

sama leo emi boeo mamahoko, nai lelek emi mita Israel da'di dae louk. Seir leten-nala, nakalenak basa dae Edom-ma lala'en-na, neukose ana da'di dae louk. Soona besak-ka basa hataholi-la, neukose ala bubuluk lae Au nde, Manetualain-na.’ ”

MIKHA 4:11

Leoina makadotok lakabubua basa fo sapu-la o, hai Yerusalem! Lafa'da lae, “Muse tao nakalulutuk Yerusalem! Neukose ami mete kota ndia da'di ai-batu madodouk!”

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

YAKOBIS 3:5

Leondiak boe, no ita maa na; leomae ita maa na baba'uana na nde ndia, tehu ana hapu tao na ao paa ka, koao ninik dede'a matua ina la. Dodoo su'di kana dei te, nula matua ina, ha'i na'a henin nana, hu ka nde ka'da ha'i kaa anak esa.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.