OBAJA 1:11 - Susula Malalaok Hehelu Palak Ma Hehelu Beuk

¹¹ O mapadeik nai dook-ka, nai faik fo musu tao nakalulutuk Yerusalem lelesun-na, de ana sengi kota ndia. Nai lelek ala ho'i leni la'iesak Yerusalem su'i-beten, de ala baba'en, tehu o ta mahala mae le'e esa boen. O mangalaum-ma sama no musu sila-la.

OBAJA 1:11 ပူးပေါင်းရင်းမြစ်များ

2RAJA-RAJA 25:11

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.

MAZMUR 137:7

Ou Manetualain, mafandendelek hataholi Edom-mala tatao-nono'in, nai lelek, Yerusalem nanatao namopo-namatek-ka. Lafa'da lae, “Tao matu'un leona, tao matu'un losa uma laten-na!”

MAZMUR 50:18

Metema o mita hataholi nakodaa esa soona, o tunga moon, ma o leo-mapalasa moo hataholi manahohongek-kala.

MAZMUR 83:5

Lafa'da lae, “Mai fo ata tao takalulutuk leoina Israel-la, fo ela boso boe nafandele na'den-nala bai.”

MAZMUR 83:6

Leoina-la, teik esa-dalek esa, ma lakokolaok fo la'ban O, lae:

YESKIAL 35:10

Emi mafa'da, mae nau Yehuda do Israel no daen-na, esa-esak nde been-na, o hak ndia, ma o mae neukose emi manuu dae ndia, leomae Au, fo Manetualain nde been-na, sila Manetualain-na.

YOEL 3:3

Ala tu'u batu fo laketu see kande, neukose hapu hataholi nanafook-kala. Lase'o anafe'oanak ma ta'eanak-kala fo ala taos da'di ata. Soona ala pake doin-nala soaneu ina manasosoa-piaok-kala, ma soaneu linu angol.

AMOS 1:6

Manetualain nafa'da nae, “Nusa Gasa laun-nala lasala-lasingo tataas esa, hu ndia de, tao leo bee-o, neukose Au hukus. Ala foo leni leoina esa lala'en-na, de lase'os da'di leo ata neu hataholi Edom-mala.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

NAHUM 3:10

Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.

ZEFANYA 2:10

Neukose, Moab ma Amon laun-nala huhukun-na leondiak, nanahu koao-ndaeaok, ma namatutua-namadedema aok-ka, boeo nanahu lakamumulu-lakamamaek Manetualain Fo Manakoasa anan-nala.