NINITAK 22:15 - Susula Malalaok Hehelu Palak Ma Hehelu Beuk

¹⁵ Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

NINITAK 22:15 ပူးပေါင်းရင်းမြစ်များ

1RAJA-RAJA 22:8

Ahab nataa nae, “Bei hapu esa seluk na'de Mikha, fo Yimla anan-na. Tehu au ta hii fan, nana ana beita nafa'da nita manada'di manamaik fo malole soaneu au fa; te ka'da manada'dik fo ta malole tataas esa.” Yosafat nataa nae, “Ah, boso kokolak mae leondia!”

AMSAL 12:22

Manetualain ta hii masapepeko-masandandalik-ka fa; tehu hataholi manatao tunga ndoon-na, nandaa no dalen-na.

AMSAL 7:27

Ma muu leo uman-na neu soona, sosoan-na nae ho'i enok keke'uk leo mamates-sa.

YESAYA 47:12

Ka'da makatatakak menik o mo'do-akidoom, ma suangim-ma, fo ana taon-na o, langam-ma dila, mulai neme tepo lelek o bei anan-ma. See bubuluk, ndia masosoa-ndandaak ba'eneu o, soaneu makabibiik o musum-mala.

YESAYA 47:9

Tehu, ka'da hatematak esa, fo nai faik esa dalen-na, dede'a ka duak sila-la, ala da'di landaa. Leomae, o pake suangi, ma mo'do-akidook, o saom-ma, ma o anam-mala nanaloso nenik boe.

YESAYA 57:3

Tehu emi fo, manatao sala-singok-kala, mai leona, fo nananaketu-nala'dik! Emi ta malole lena neme, hataholi manapake mo'do-akidook-ka, hataholi fo, ana nau hohonge, ma manasosoa-piaok-ka mai fa!

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 7:6

Boso fe hata malalao ka neu busa, te see busa ndia ana lepos nasafali fo ana sapu na emi. Boema boso fe poemata neu bafi fo daenga bafi ndia boso heheta-aa'i poemata ndia.”

MATEOS 8:12

Te see ko na hataholi fo tunga ndo na ala da'di Manetualain hataholi kamahehele nala, neukose sila nanatapahenik leo makahatuk manai dea ka leu. Nai ndia neukose ala doidoso.”

YOHANIS 8:46

Nai emi dalek, see ka nde napalani nafa'da nae, Au masala-masingok? Metema Au afa'da ndoos, na tao le'e de emi ta mamahele Au fa?

HATAHOLI 8:11

Ana tao na hataholi la bafa nala bee poo nana malela suangi na doo ba'u so, de nalosa hataholi la taoafik lanseli neun.

ULANGAN 23:18

Doik fo, ana hapun neme sosoa-piaon mai boeo, ta bole menin leo emi Manetualaim-ma Uman-na neu fa, fo bae nasar, nana emi Manetualaim-ma, ta hii mete manasosoa-piaok manai uma sosongo-tatangok-kala, ma manasosoa-piaok-kala, doi sese'ban-na fa.

FILIPI 3:2

I'akouk hataholi mana tao mangalau kala, fo hataholi sila la landaa lokes lae ‘busa’. Ala lakaseti hataholi la fo sunat asa.

KOLOSE 3:6

Dede'a matak leo sila kala nde, tao la Manetualain namanasa hataholi fo ta mana tunga nana fa.

1 TIMOTIUS 1:10

soaneu mana sosoa-piao kala, touk sao seluk touk, hataholi mana mamanako neok, masapepeko-masandandali kala; mana sakasii pepeko kala, ma su'di see fo, tatao-nono'in ta nandaa no nanoli ndo sa fa.

NINITAK 18:23

Neukose hataholi ta nita seluk banuk pila nai kota ndia dalek fa; ma neukose ta tamanene feta ka'bi nga lame nai ndia so'on. O hataholi manadanga mala nde bee na hataholi nananita-nalelak nanseli nai daebafa ka, ma no o malela makahatu ma, de o ke'dindiu ma basa leoina manai daebafa ka lala'ena!”

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”