NINITAK 21:27 - Susula Malalaok Hehelu Palak Ma Hehelu Beuk

²⁷ Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

NINITAK 21:27 ပူးပေါင်းရင်းမြစ်များ

MAZMUR 101:8

Neme faik leo faik neu, neukose au tao amopo-amate, hataholi manatao tatao-nono'i mangalauk-kala, nai nusak ia. Basa hataholi manatao tatao-nono'i manalauk-kala, neukose au tao amopo-amates leme Manetualain kotan-na mai.

KELUARAN 32:32

Sa'di leo been-na, O fe do'o do ampon neu sala-singon-nala; metema ta soona, loseheni au na'deng fo O sulak basan nai O Susalam dale.”

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESKIAL 44:9

Au, Manetualain Fo Mademaina po'a-benga, ae hataholi nusa dea fo, nanasunat beitak-kala, ma hataholi fo, ana tunga neu Au fa, ta bole masok Au Umang-nga fa. Nakanenetek ndia, la'e hataholi nusa dea fo, ala leo lahele lai, leoina Israel-la tala'da heon-na boe.”

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

IMAMAT 13:46

Nai lelek ana bei hapu he'dis ndia, ana da'di hataholi manggenggeok, de muse ana leo nai mamana oofuk-ka deak, fo dook-ka neme hataholi fe'ek-kala mai.

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

BILANGAN 12:15

Boema Miryam nanakalua henik faik hitu dalen-na, neme lalaa oofuk dale mai, nalosa leoina ndia, ta bole lali leme mamanak ndia mai fa, metema Miryam beita fali ma'in leo lalaa oofuk-ka mai fa.

BILANGAN 5:3

Muse nadenus fo ala la'o, fo ela ala boso tao langgenggeo mamana ofu-a, fo nai bee, Au leo sama-sama o Au anang-ngala.”

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

MARKUS 7:2

Lita Yesus ana mana tungan de'ubee la'a no lima nala ta balisi tunga agama, fo nde la'a-linu tehu ta lafui oe lakahuluk, tunga agama nakanenete na fa.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

1 TIMOTIUS 1:10

soaneu mana sosoa-piao kala, touk sao seluk touk, hataholi mana mamanako neok, masapepeko-masandandali kala; mana sakasii pepeko kala, ma su'di see fo, tatao-nono'in ta nandaa no nanoli ndo sa fa.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

2 PETRUS 3:13

Tehu ita tahani hata fo Manetualain helu ka, fo nde lalai ma daebafa beu ka, fo nai bee hapu ka'da ndoos a, nai ndia.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 3:5

Hataholi fo manasengi koasa makahatu ka, neukose ala fes pake ba'du manalu fulak ndia boe. Neukose Au ta kokaheni hataholi ndia na'de na neme susulak hataholi maso'da ka dalek mai fa. Ma nai Au Amang ma ata nusa so'da nala matan, neukose au manaku ae, sila nde bee na Au nuu ngala. Nai lelek Au apadeik nai Au amang matan sama-sama o basa mahahaek fo malalalau-maoono nana, neukose Au afa'da ae, Au alelak hataholi sila la.