NINITAK 21:15 - Susula Malalaok Hehelu Palak Ma Hehelu Beuk

¹⁵ Ata nusa so'dak fo manakokolak no au ndia, nanuu aitete'e uukuk neme lilopila sa mai soaneu ana uku kota ndia lelesu inanala, ma tembo ka.

NINITAK 21:15 ပူးပေါင်းရင်းမြစ်များ

YESKIAL 40:3

Boema noo au leo ndia neu, de au ita touk esa mangadilak, sama leo liti-a, napadeik deka lelesuina. Ana ho'u tali uukuk esa, nanatatalik neme aba lutu-a mai, boema ana ho'u ai uukuk.

ZAKHARIA 2:1

Nai ninita manatungak-ka dalek, au ita touk esa ho'u tali uukuk.

ZAKHARIA 2:2

Au atane ae, “O sanga leo bee mu?” Nataa nae, “Sanga uku Yerusalem. Au hii bubuluk, kota ndia loa-nalun de'ubee.”

NINITAK 21:12

Tembo manaokofeo nala nana dema na seli, no lelesuinan sanahulu dua, ma ata nusa so'dak sanahulu dua lanean. Nai lelesuina nala, nanasulak leoina Israe la ma leoana kasanahulu dua nala na'de nala.

NINITAK 21:16

Kota ndia lupa na bala'kak – nanalu na sama no loloa na. Boema ata nusa so'dak ndia uku kota ndia ninik aitete'e uuku na, de ana hapu nanalu na kilometel lifun dua natun ha. Loloa dedeman sama na leo nanalu na.

NINITAK 21:21

Lelesuina kasanahulu dua nala, ala taon neme mutiara sanahulu dua, fo lelesu la esa soona, ala tao mutiara esa neu. Enok manai kota ndia nanataok neme lilo isi ka mai de neuanak sama leo titino mangadila ka.

NINITAK 21:25

Kota ndia lelesuina nala nanasoik tunga faik, de ta nanakenak fa, nana ta hapu le'odaek nai ndia fa.