NAHUM 3:18 - Susula Malalaok Hehelu Palak Ma Hehelu Beuk

¹⁸ Hai nusa Asyur-ra manen-nala lemin! Mate basa o gobelnom-mala so, ma basa o bupatim-la sungu losa dodoon-na. O laum-mala tapasasala nai letelepak-kala, de ta hapu hataholi esa boen no falik-kasa fa.

NAHUM 3:18 ပူးပေါင်းရင်းမြစ်များ

1RAJA-RAJA 22:17

Mikha balas nae, “Au ita solda'du Israel-la esa-esak tofak matan nai lete kala. Solda'du sila sama leo bi'ilopo fo manafoon taa, ma Manetualain kokolak la'eneu hataholi sila nae, ‘Hataholi ia la ta lanuu mauli-malangan fa. Neme na fo ala fali no so'da-molek.’ ”

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

YESAYA 13:14

Hataholi nusa dea manaleo nai Babel-la, neukose ala tapasasala, fo esa-esak nalai fali leo nusan-na neu. Sila sama leo nusa, fo nalai neme manafuli-danga mai, do bi'ilopo bubuak fo manafoon ta.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YEREMIA 50:18

Hu ndia Au, Manetualain Fo Manakoasa, neukose Israel Manetualain-na ana huku manek Nebukadnezar ma nusan-na, sama leo manek Asyur-a huhukun-na.

YEREMIA 51:39

Boema sila lahik la'a, neukose Au sadia nana'ak fe sila ma Au tao alas langan-na laleo fo ala sungu ma ta fo'a fa.

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

NINITAK 6:15

Boema mane-mane daebafa kala, hataholi matua-madema la, malanga musu la, hataholi kamasui kala, hataholi manakoasa la, ma hataholi fe'e kala, nau ata do hataholi ao loak boe, basa-basas ke'ke lai lea-lua kala dalek, ma lai batu lete kala la lela nala.