NAHUM 3:10 - Susula Malalaok Hehelu Palak Ma Hehelu Beuk

¹⁰ Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.

NAHUM 3:10 ပူးပေါင်းရင်းမြစ်များ

2RAJA-RAJA 8:12

Hazael natane nae, “Tao le'e de, Tuan kii?” Boema, Elisa nae, “Nana au bubuluk, tatao-nono'i mangalauk fo, neukose o taon soaneu hataholi Israel-la. Neukose, o hotu heni kota-kota makota musun-nala, o taomisa hataholi muli-solu neulaun-nala, ma o ki'dumisa, ni'iana bongi beuanan-nala, boema o saika'di, inak-kailun-nala te'in-nala.”

AYUB 6:27

Nakalenak, emi tu'u batu, soaneu ni'iana kisa-anamaak-ka, ua-nalen, emi ke'di-ndiu, emi tia-lai malolem-ma, fo emi mamasu'i.

MAZMUR 137:8

Hai Babel, neukose o nanatao namopo-namatek! Maua-manalek ba'eneu hataholi fo, ana balas o tatao-nono'i mangalaum, fo o taon neu ami-a.

MAZMUR 137:9

Maua-manalek ba'eneu hataholi fo, ana ho'i-na o ana bongi beum-mala, de ana tapas leu pupuku batu-a!

MAZMUR 149:8

fo ala lange mane-manek-kala, ma ala tao namosina neu basa sila hataholi manakoasa-nala;

YESAYA 13:16

Neukose lita matan, ni'iana bongi beun-nala nanalulumu-eesek, nakodaa-la bonga uman-nala, ma ala sungu loo saoinan-nala.”

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 19:4

Neukose Au fe Masir leo mane ha'da hataholi tak esa liman neu, fo ana paletas no ta pake ha'da hataholik fa. Au, Manetualain Fo Manakoasa nde manakokolak-ka.”

YESAYA 20:4

Neukose Manek Asyur-ra, ana foo nusa ka duak sila-la hataholin-nala, ma neukose ana lele'a-lolosos no makaholak. Lasik ma mulik, neukose basa-basas ala la'ok no ta pake ba'du, ma ta pake ta'bueis, de pelin-nala lai deak, da'di leo nakamumulu-nakamamaek esa soaneu Masir.

RATAPAN 2:19

O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

RATAPAN 4:1

Lilopilas mangadilak-ka kou henin so Manetualain Uman-na batun-nala tonggela nai enok lain.

YESKIAL 29:7

Nai lelek fo, ala lasala'da o, boema la'di o, de o pau la'e sila lilibolon-nala, nalosa sila mulih'ain-nala kosik.

YOEL 3:3

Ala tu'u batu fo laketu see kande, neukose hapu hataholi nanafook-kala. Lase'o anafe'oanak ma ta'eanak-kala fo ala taos da'di ata. Soona ala pake doin-nala soaneu ina manasosoa-piaok-kala, ma soaneu linu angol.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

OBAJA 1:11

O mapadeik nai dook-ka, nai faik fo musu tao nakalulutuk Yerusalem lelesun-na, de ana sengi kota ndia. Nai lelek ala ho'i leni la'iesak Yerusalem su'i-beten, de ala baba'en, tehu o ta mahala mae le'e esa boen. O mangalaum-ma sama no musu sila-la.