NAHUM 2:5 - Susula Malalaok Hehelu Palak Ma Hehelu Beuk

⁵ Laloo basa malanga solda'dun-nala fo tutulumatak, lakatunu kose-kose, nai lelek ala sapu. Ala la'ok lai-lai leo kota ndia papala nanadaman-na leu. No lai-laik, lapadedeik besi manahona nakalulutuk-ka.

NAHUM 2:5 ပူးပေါင်းရင်းမြစ်များ

YESAYA 21:5

Boeo au ita feta fo, nanasadia basak so; hataholi nanaka'ik-kala mamana tutuun-na, nanasadiak. Ala la'a ma linu. No kaiboik, paleta nananamanenek nae, “Hai malanga solda'du matuaina-la lemin! Mafafa'u emi babaa fanam-mala!”

YESAYA 5:27

Laheheleaon tataas esa, soaneu latee-lata'ti, ma ala ta sota-mangu lita fa. Ala ta sungu, do teekauk lita fa.

YEREMIA 46:12

Emi heheo-hihilum fo maneni mamaek-ka nanabubuluk basak neme leoina-la mai. Emi hala nalom-ma nananamanenek nai basa daebafak lala'en-na. Soloda'du-la esa sa'en-na esa; de basa-basas tu'u latatama ao leo dae lain.

YEREMIA 50:29

Manetualain nafa'da nae, “Mafa'da basa manakou-la sapu-la Babel. Mafa'da neu basa manakou malelak-kala okofefeo kota ndia ma boso ela esa nala deak boen. Fe falik sila tatao-nono'in ma taon sama leo ndia ha'da palin-na hu ka nde ndia ta fe ha'da-holomata neu Au, Israel Manetualain fo Malalao-malalafuk-ka.

NAHUM 2:6

Faa neni te'te lee lala'en-na so boema nakalupuk-ka nai uma manek-ka lala'en-na!

NAHUM 3:18

Hai nusa Asyur-ra manen-nala lemin! Mate basa o gobelnom-mala so, ma basa o bupatim-la sungu losa dodoon-na. O laum-mala tapasasala nai letelepak-kala, de ta hapu hataholi esa boen no falik-kasa fa.

NAHUM 3:3

Solda'du manasa'e ndala-la, ala sapu no tene henuk, no tafaina mangale'dok ma tee isi mangadilak. Ta leke-nala hataholi mates-sala fa, popolan-nala ladou-dou, de hataholi-la lakatunu.

HABAKUK 1:8

Ndalan-na nggafan-na lena heni meoasu ma makaa-makisun lena heni busafui kamala'ak-ka. Solda'du manasa'e ndalan-nala, ala mai leme nusa dook-kala mai; mamain-nala sama leo manupui balupua la'u manuana.