NAHUM 1:7 - Susula Malalaok Hehelu Palak Ma Hehelu Beuk

⁷ Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

NAHUM 1:7 ပူးပေါင်းရင်းမြစ်များ

1 TAWARIKH 16:34

Moke makasi neu Manetualain, nana Ndia malole; susue-lalain manaketu-basa taak.

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

2TAWARIKH 13:18

Hataholi Yehuda-la sengi, nanahu ala lamahena Amak fo sila bei-ba'i kain-nala Manetualain-na.

2TAWARIKH 32:11

Ade Hizkia mafa'da mae o Manetualain neukose soi-po'i emi neme ami koasa-ma mai do? Boso mamahele, nana ka'da Ana ke'dindiu emi. Neukose Ana po'ilotak emi mate moo la'a-ndoes-sa ma maa ma'dak-ka.

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

EZRA 3:11

Laun-nala lakamee nakamee kokoa-kikiok ba'eneu Manetualain, no lakamee lakafafalik nakameek-ka mate'en-na, fo liin-na nae leo ia, “Manetualain ndia malole; ma susue-lalain neu Israel, matea-mahelek losa dodoon-na.” Basa laun-nala eeki-latadale, ma koa-kio Manetualain, nana ala tao Manetualain Uman laten-na so.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 100:5

Nana Manetualain malole; susue-lalain losa dodoon-na, ma lilinekan, neme bobongik leo bobongik neu.

MAZMUR 20:1

Soaneu mauli-malanga nakameek-ka. Dauk kokoa-kikiok.

MAZMUR 25:8

Nana Manetualain malole, ma ndoos ma matetuk, Ana natu'du enok soaneu hataholi manala'ok sala enok-ka.

MAZMUR 27:5

Manetualain nasulu-nahapa au nai au fai toto'a-tataang-nga; nafuni au nai Uman dale, ma Ana so'u neni au leo lete batu lain neu.

MAZMUR 37:39

Manetualain soi-tefa hataholi manatao malole-a, ma nasulu-nahapas nai lelek fai to'a-taak-ka.

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

MAZMUR 46:2

Manetualain nde been-na, ita manamasulu-mahapan, ma ita be'i-balakain. Naheheleaon tataas esa, ma Ana tulu-fali nabe'i ita, nai to'a-taak-ka dalek.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 59:16

Laleu-lalaak sanga nana'ak, ma ala nggoo, metema ta lakabete fa.

MAZMUR 71:3

Da'di sama leo lete batu ba'eneu au fo au mamana leleong-nga fo au losan tataas esa no mudak la'iesak-kana, Nana O maketu basa, soaneu soi-tefa-mala au, Au mamana nasulu-nahapang, ma mamana hahaeaong-nga nde O.

MAZMUR 86:7

Nai fai makase'ek-ka, au hule-haladoi neu O, nana O mataa au.

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 25:4

Nana, O da'di mamana nalaik ba'eneu hataholi tapandoes-sa, mamanak fo, nee-nee lino-linok ba'eneu hataholi nuu taa-hata taak-ka O nde been-na nasulu-nahapak neu ani sangu, nasulu-nahapak neu le'do mahaak-ka. Nanahu hataholi ba'u nasa-la sapu-la sama leo ani sangu nai fai oe faan-na

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 17:17

O boso da'di hata esa fo nakabibik au daleng-nga. O da'di mamana nafufunik ba'eneu au, metema totoa-tataak-ka mai.

YEREMIA 24:5

“Hataholi fo Au po'ilotak-kasa nanafua nenik lo Babel neu ndia, Au akasasamak-kana sama leo ai kaak boak fo neulau hik iala; hu ndia de Au, Manetualain fo Israel Manetualain-na, neukose tao sila no malolen-na.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

RATAPAN 3:25

Manetualain malole neu hataholi fo namahena neun, ma neu hataholi fo ana sangan.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

DANIAL 6:23

Atam-ma Manetualain-na haitua ata nusa so'dan-nala mai so, de ala ko'o ketu singa sila-la bafan-na, nalosa ala ta tao atam-ma le'e fa. Manetualain soi-tefa-na atam-ma, nana Ana bubuluk nae, atam-ma ta tao salak soaneun, ma soaneu Ama Manek fa.”

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

ZEFANYA 3:12

Neukose Au po'ilotak leoina esa nai naa, dalen-na taidaek, boema namahena Au tutulu-fafaling, de ana bole leo nahele neme ndia.

MATEOS 27:43

Namahele Manetualain, ma nafa'da nae Manetualain Anan Ndia. Naa, mai fo ata mete su'di kana, tete'e ka besak ia Manetualain nau soi-tefa nan do ta!”

MATEOS 7:23

Soona neukose Au ataa ae, ‘Au ta alelak emi makandondook fa! La'o madook ia, hei hataholi mana tao-no'i mangau kala lemin!’ ”

YOHANIS 10:14

Au nde manafoo malole. Sama na leo Ama ka nalelak Au, ma Au alelak Ama ka leondiak boe. Au alelak Au bi'ilopo ngala, ma bi'i sila boeo lalelak Au. Au fe la'iesak Au maso'da nga neu bi'i sila la.

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.

ROMA 11:22

Da'di, no enok ia de, ita tita Manetualain dale malole na, ba'u na seli, ma nasa-melun boeo, ba'u na seli. Ana tao mangalalau sila fo manatao sala-singo kala, tehu dale na malole neu emi, sa'di emi maso'da mahele neme susue-lalain ndia mai. Metema ta soona, neukose emi boeo nanatu'u tapahenik.

GALATIA 4:9

Tehu besak ia, emi malelak Manetualain so, do la'e selu kana bai soona, Manetualain nalelak emi so. Naa, tao le'e de emi nau fali seluk leo dula dale daebafak ia la, fo tapandoes ma nuu taa-hata tak sila meu? Tao le'e de emi nau da'di ata seluk neu dula dalek sila la bai?

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”