NAHUM 1:5 - Susula Malalaok Hehelu Palak Ma Hehelu Beuk

⁵ Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

NAHUM 1:5 ပူးပေါင်းရင်းမြစ်များ

2 SEMUEL 22:8

Boema, daebafak-ka nanggengo ma ana dele, letek-kala huun-na, ala ke'ko, ma ala dele nanahu, Manetualain nasa-melun!

AYUB 26:11

Metema nasapala no halan-na dele soona, dii manatia-toba lalai-a, ala dele.

AYUB 9:5

Manetualain kekoheok letek-ka, te hataholi ta bubuluk fa, boema Ana fae nalenga-natonon, nenik nasa-melun.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 114:4

Letek-kala lakaboboku, sama leo bi'ihiik-ka, pupukuk-kala lakabibiti sama leo bi'ilopo ana.

MAZMUR 114:6

Hai letek-kala lemin, hu beek de, emi makabobo'ku, ma hai pupukuk-kala lemin, hu beek de, emi makabibiti?

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

MAZMUR 18:8

Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

MAZMUR 46:6

Manetualain leo nai naa, hu ndia de, neukose kota ndia ta nakalulutuk fa; neukose Ana tulu-falin, nai lelek le'do-a tii.

MAZMUR 68:8

Ou Manetualain, lelek O hela-nole O anam-mala, la'ok tunga mook fo, oe ta ndia fa,

MAZMUR 98:7

Mangguu leona, hai tasi no basa oe-isin lala'ena, daebafak-ka no basa manaleo manai dalek-kala.

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YESAYA 24:20

Daebafak-ka naleu-lilok, sama leo hataholi manamafuk-ka, ma naleuk sama leo moa nai sangu dale. Daebafak-ka hea neu, nanahu sala-singon belan-na. Ana nakalulutuk, de neukose, ana ta fo'a falik so'on.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YEREMIA 4:24

Au ita letek ma pupuku mademaina-la langgengo matuainan-nanseli

YESKIAL 38:20

Basa I'ak ma manupui-la, basa bana ana-matua, ma basa hataholi manai daebafak-ka, neukose ala dele bengge'be no bibii-namata'uk, lasasalematak loo Au. Neukose letek-kala ndefa, felak-kala, ala fela, ma basa papala nanadamak-kala, balahenis.

YOEL 2:10

Lelek ala bei tutulumatak te, daebafak-ka dele, ma lalai-a boeo, ana dele. Boema le'do ma bulak-ka makahatuk, ma nduuk-kala ta lasalaa fa.

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

ZAKHARIA 4:7

Leomae mana mapanggenggek-ka ba'u letek-ka boeo, neukose nanasi'u henik neme o matam-ma mai. Neukose, o mafofo'a falik Au Umang-nga, ma nai lelek o pe'da batu makasososak-ka neu mamanan-na, neukose hataholi-la laloo beboo lae, ‘Mana'ahiik nanseli!’ ”

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

MATEOS 28:2

Boema no kaiboboi anak de dae a nanggengo matua ina. Lamatua ka ata nusa so'dan esa kona neme nusa so'da ka mai, boema ana loli heni late sa batu kekena na, de nangatuuk neu lain.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 6:14

Lalai mopo kana sama leo susula doo nanalunu ka, ma basa lete kala ma pulu la, ala ke'ko leme mamana nala mai.

HAKIM-HAKIM 5:5

Letek-kala langgengo nai manakoasa Sinai matan, nai Manetualain, fo Israel Manetualain-na matan.