MAZMUR 98:1 - Susula Malalaok Hehelu Palak Ma Hehelu Beuk

¹ Kokoa-kikiok. Makamee nakamee beuk ba'eneu Manetualain, nanahu tatao-nono'i matua-mademan! No koasa ma be'i-balakain mesak-kana, de Ana hapu sesengik so.

MAZMUR 98:1 ပူးပေါင်းရင်းမြစ်များ

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

MAZMUR 136:4

Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

MAZMUR 139:14

Au koa-kio O, nana au anseli! O tatao-nono'im lala'ena, mata beuk, ma dodoo doak-kana, te'e-te'e, au ame'da itan.

MAZMUR 149:1

Koa-kio Manetualain leona! Makamee nakamee beuk ba'eneu Manetualain, koa-kion nai anan-nala, nakabubuan dale!

MAZMUR 33:3

Makamee nakamee beuk, ba'eneu Manetualain, makaminak kacapi matalolole, ma eki no namahokok!

MAZMUR 72:18

Kokoa-kikiok ba'eneu Amak, fo Israel Manetualain! Ka'da Ndia nde manatao dede'a matuaina-la.

MAZMUR 77:14

Ou Manetualain, basa O tatao-nono'im lala'ena, malalao-malalafuk, see kande ba'u ami Manetualaim-ma?

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

MAZMUR 89:14

O koasam-ma, ba'un-na seli, ma O be'i-balakaim anseli nanseli!

MAZMUR 96:1

Makamee nakamee beuk ba'eneu Manetualain leona! Makamee ba'eneu Manetualain leona, hai basa daebafak-ka lala'ena lemin!

MAZMUR 96:3

Tui matua-mademan neu leoina-la, ma tatao-nono'in fo, makadelen-na neu hataholi daebafak-ka.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

YESAYA 12:5

Makamee ba'eneu Manetualain, nana Ana tao manada'di beuk makadotok. Nemen-na fo daebafak-ka lala'en-na, lamanene la'eneu tatao-nono'in.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YESAYA 59:16

Ana dodoo doak-kana, nae ta hapu hataholi tutulumatak fa, ma ta hapu manamasala'e fa. Boema, Ana pake koasa mesan-na, soaneu soi-tefa, ma fes sesengik.

YESAYA 63:5

Au sanga, tehu ta hapu manatulu-fali fa, Au dodoo doak-kana, ae ta hapu manafali fa. Boema, Au be'i-balakaing mesak-kana, nde tulu-fali Au-a, Au nasa-melung tulu-fali Au.

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

LUKAS 1:49

Nanahu Manetualain, Fo Mana Koasa nanseli a Ana tao-no'i dede'a matuaina la neu au. Na'de na malalaok.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

HATAHOLI 19:20

No enok matua ina sila la de Manetualain dede'a-kokolan boetai namaloa ka, ma boetai natea-nahele.

HATAHOLI 2:11

Hapu hataholi Yahudi, ma hataholi leo fe'e kala boe, tehu ala masok agama Yahudi so. Boeo hapu nggelok leme Kreta ma Arab mai. Ita basa-basa tala tamanenen nde ndia, hataholi sila la kokolak lalelak ita esa-esak dede'an boema ala kokolak dede'a mata beuk fo Manetualain tao kala!”

KOLOSE 2:15

Nai ai nggangek lain, Kristus tao nala dula dalek fo ala paleta ma ala koasa, basa-basas male henis. Ana tao na basa daebafa ka lita, Ana hela nos, sama leo hataholi nanatahan ala, nai lelek fo Ana tao feta fai sesengi na, nono'ka bai hataholi nanahuku kala, fo Ana taos da'di natutu'duk esa nai lea matan.

NINITAK 14:3

Nai kandela mane ka matan ma mahahae kaha kala boema lasi-lasik manai kandela ndia boboa-kaisun, hataholi lifun natun esa hahuluha sila la lakamee nakamee beuk esa. Ta hapu hataholi esa boen nalelak nakameek ndia fa, ka'da hataholi lifun natun esa hahuluha ila la lalela kana. Hataholi sila nanasoi-tefa basak neme basa laun manai daebafa ka lala'ena mai so.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.

NINITAK 6:2

Boema au ita tete'e ka hapu ndala fulak esa. Manasa'e nana, ana ho'u kokouk esa, ma ala fen bulamolik esa. Ana kalua nasale leo daebafa ka da'dileo manasengik fo neukose ana sengi musu nala.