MAZMUR 95:6 - Susula Malalaok Hehelu Palak Ma Hehelu Beuk

⁶ Mai fo, ata takaluku-takatele fo sene-do'ok neun, senek nai Manetualain, fo manamakadada'dik ita, matan.

MAZMUR 95:6 ပူးပေါင်းရင်းမြစ်များ

1RAJA-RAJA 8:54

Eno na leondiak, Salomo hule-haladoi no ana senek nai mei tunu-hotuk-ka matan ma ana so'uk liman-na leo lain neu. Basa ndia boema napadeik,

2TAWARIKH 29:28

Manek Hizkia ma basa hataholi manai sila-la sene-do'ok neu Manetualain nai lelek manamakameek-kala lakamee lahele ma manamakaminak sasanu-la lakaminak lahele losa ha'i na'a basa tutunu-hohotuk sila-la.

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

EZRA 9:5

Lelek, mulai tunu-hotu tutunu-hohotu le'donosok-ka boema, au fo'a eme mamanak fo, au angatuuk no dale nakalulutuk ndia mai, no bua papake si'da-saek, de au akaluku-akatele, ma au look au lima nga, leo au Manetualain neu.

AYUB 35:10

Tehu ta loke neu Manetualain, fo mana makadada'dik sila fa, fo manafe namahehenak neu sila, nai lelek sila susa,

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

MAZMUR 119:73

O nde makadada'dik, ma fe au lupa-aok, fe au malelak, fo au anoli O paletam-mala.

MAZMUR 139:13

O makadada'dik au aopaang-nga lala'ena, ma O fe au lupa-aok, nai au inang ein dale.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 72:9

Laun manai moo solokaek-ka, neukose lakatele neun ma musu-a, sene-do'ok nai ei tata'bu daen-na.

MAZMUR 95:1

Mai fo, ata takamee ba'eneu Manetualain, eeki-tatadale, ba'eneu ita manasoi-manatefan-na!

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

YESAYA 17:7

Nai faik ndia, neukose hataholi fali, fo noke tutulu-fafalik neu Manamakadada'dik-kana, fo Israel Manetualain malalao-malalafun-na.

YESAYA 44:2

Au nde Manetualain fo manamakadada'dik o-a, fo manafe o lupak, mulai neme o inam nailu o, ma manatulu-fali o. Boso bii, te Au atang-nga nde o, Au ana heheleng fo, Au sue-laik-ka.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

DANIAL 6:10

Boema Mane Darius-sa limalee susulak ndia.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

MATEOS 4:2

Yesus ta na'a-ninu lele'do le'odaek, faik hahulu dale na. Boema name'da namala'a.

MATEOS 4:9

Boema nitu nafa'da Yesus nae, “Au fe basa hata sila la neu O, makanaema O sene-do'ok ma makaluku-makatele neu au.”

MARKUS 14:35

Yesus neu leo uluk neu doo-doo ana faa boema, ana bala neu dae lain de Ana hule-haladoi. Nai huhule-haladoin dale, Ana noke nae, metema da'di soona, Ana boso la'ola'di doidosok ndia.

LUKAS 22:41

Basa boema Ana neu leo dodoo ana faa neme ana manatunga nala mai, fafa'kama dodoo na batu tatapak esa, boema Ana senek de Ana hule-haladoi,

YOHANIS 1:3

Basa hata lala'e na, nananakadada'dik tunga Ndia, ma neme basa hata manada'dik lala'e na, ta hapu hata esa boen, fo ana da'di ta no Ndia fa.

HATAHOLI 20:36

Paulus kokolak basa boema, ana senek de ala hule-haladoi sama-sama nos.

HATAHOLI 21:5

Tehu fai na losa fo ami la'o meme ndia mai so, boema ami la'oelas de ami la'ok makandoo leona. Basa-basas lo saoana nala lafuli lo ami losa kota deak. Ami losa tasi su'u na boema, ami basa-basa mala senek de ami hule-haladoi.

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

EFESUS 3:14

Hu ka nde ndia de, au senek nai Ama ka matan.

FILIPI 2:10

Soaneu fe ha'da-holomata neu Yesus de, basa hata manai nusa so'da ka, ma manai daebafa ka, ma manai baebafa ka bui na boeo, ala sene-do'ok neun.

1 PETRUS 4:19

Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

NINITAK 22:8

Au, Yohanis, amanene basa ma au ita basa ia la so. Lelek au amanene ma au ita basan, boema au bala u ata nusa so'dak fo manamatu'du basa sila la neu au a, mata na de au sanga sene-do'o kana,