MAZMUR 94:23 - Susula Malalaok Hehelu Palak Ma Hehelu Beuk

²³ Ana huku hataholi mangalauk-ka, nandaa no tatao-nono'in, ma Ana tao namopo-namates nanahu sala-singon-nala. Ita Aman Manetualain neukose Ana hukus.

MAZMUR 94:23 ပူးပေါင်းရင်းမြစ်များ

2RAJA-RAJA 19:7

Neukose, Manetualain taon-na manek Asyur-ra, taoafik neu dede'a anin esa, fo nalosa ana fali ne'un leo nusan-na neu, fo neukose tao lisan nai naa.”

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

ESTER 9:25

Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

MAZMUR 109:20

Manetualain, maketu hataholi manakalaak au-a, huhukun-na leona, ma hataholi manakokolak mangalauk la'eneu au-a.

MAZMUR 12:3

Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

MAZMUR 64:8

Tehu Manetualain kou, kokou isin-na neus, de nggenge te, lakahina so.

MAZMUR 7:16

Ana kali bolok soaneu hataholi fe'ek, tehu ndia mesak-kana nde tu'da leo dalek neu.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

AMSAL 2:22

Tehu hataholi mangalauk, ma masala-masingok-ka, neukose Manetualain tapas leo nusak ndia deak leu, sama leo fe'a heni na'u-a neme dae dale mai.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

AMSAL 5:23

Ana mate, nanahu ana ta sipok nanoli-nafa'dak fa. Nggoan-na, non leo nakalulutuk-ka neu.

YEREMIA 36:31

O, ma o tititi-nonosim, ma basa o mauli-malangam-mala neukose Au huku-doki nanahu sala-singok fo emi tao-no'ik-kala. Neukose Au uni fe emi basa usa-soe fo Au tuni-ndenin neu emi, nanahu leomae o mo Yerusalem ma Yehuda laun-nala ta tao afik neu Au tutuni-ndendening ndia fa.”

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

DANIAL 7:24

Susula ka 10-k sila-la nde, mane ka 10-k fo neukose ala paleta nusak ndia. Basa soona, mane fe'ek esa neukose ana to'da mai; ndia fe'ek nanseli neme mane-manek makasososak-kala mai, ma neukose ana sengi manek 3.

DANIAL 9:26

Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

HAKIM-HAKIM 9:57

Ma Manetualain boeo, huku hataholi Sikhem-mala, nanahu sila tatao-nono'i mangalaun-nala. Dede'ak ndia la'en, sama leo Gideon anan Yotam nafa'dan la'eneu hataholi sila, nai lelek ana soo-supa fes.