MAZMUR 93:1 - Susula Malalaok Hehelu Palak Ma Hehelu Beuk

¹ Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

MAZMUR 93:1 ပူးပေါင်းရင်းမြစ်များ

1 TAWARIKH 16:30

Dele ngge'be-ngge'be nai matan na, hai basa daebafak ka lala'en-na! Daebafak ka mateaina de ta nanggengo fa.

1 TAWARIKH 16:31

Hai lalai ma daebafak ka, mamahoko-setelee leona! Tui-benga neu leoinak-kala mae Manetualain ndia Manek.

1 TAWARIKH 29:12

Basa su'i-betes ma tetu-temak lala'en-na da'di neme O mai; O kasa basa hata lala'en-na nenik O be'ibalakaim ma O paletam-ma; O manuu koasa tao su'di see da'di hataholi matua ma balakaik.

AYUB 40:10

Topa-nggaulusu o aoinam-ma, nenik mandela-masa'ak ma matua-madema, pake ha'da-holomata, ma mandela-masa'ak leona.

MAZMUR 103:19

Manetualain paleta nai nusa so'dak-ka, Ndia manek fo manakoasa neu basa hata lala'ena.

MAZMUR 145:13

O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. Manetualain lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

MAZMUR 18:32

Nana ka'da Amak-ka nde Manetualain-na; ita manamasala'en-na, ka'da nde Manetualain.

MAZMUR 59:13

Nana sila lasala-lasingo lenik hala-kokolan-nala; Nemen-na fo hihi'ik-ka nalas nai koao-ndaeaon-nala dalek, nanahu ala nau soo-supa ma lasapepeko-lasandandali.

MAZMUR 65:6

O mataa ami, nenik O fe ami sesengik, O tao dede'a manada'di beuk-kala, soaneu O soi-tefa-mala ami! O nde namahehenak ba'eneu basa leoina lala'en-na, losa tasi maloaina manai dook eli.

MAZMUR 65:7

O taom-ma, letek-kala lapadeik latetu, nenik O be'i-balakaim, soaneu O matu'du O koasam fo makadelek-ka.

MAZMUR 75:3

Manetualain nafa'da nae, “Nai faik fo Au aketu basan so, neukose Au aketu-ala'di, tunga ndoos ma matetuk.

MAZMUR 96:10

Tui-benga neu leoina-la mae, “Manetualain ndia Manek! Daebafak-ka, matea-mahelek, de ta naggengo fa; Neukose Ana naketu-nala'di leoina-la no ndoos ma matetuk.”

MAZMUR 97:1

Manetualain nde bee-na, Manek! Ela leo bee-na, daebafak-ka eeki-latadale, ma pulu-pulu-la lamahoko-setelee.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

YESAYA 11:5

Ana ho'i nakeketuk tunga ndoos ma matetuk, ma manalilinekak nai basa hata lala'en-na dalek.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YESAYA 51:16

Au nde akapepela lalai-a ma manape'da daebafak-ka buin-na. Au afa'da neu Sion ae, Au anang-nga nde o; Au fe Au nanoling-nga, neu o, ma Au asulu-ahapa o, nenik Au koasang-nga.”

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 52:7

Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YESAYA 63:1

“See hataholi ndia, fo manamaik neme Bozra nai Edom-ma? ba'dun-na pilas, bua papaken-na nahaa; ana la'ok no be'i-balakaik matuaina.” “Au nde Manetualain fo, nanuu be'i-balakaik, soaneu soi-tefa, ma Au mai, uni hala sesengik.”

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

NINITAK 19:6

Boema au amanene hala ka sama leo hataholi makadotok lalo bebou. Halak ndia napane'e nanseli sama leo lii matuaina ngguu na, ma sama leo manggulu ka nanggulu. Au amanene lafa'da lae, “Koa-kio Lamatua ka! Nanahu ita Manetualain Fo Mana Koasa ndia Ana da'di Manek so!