MAZMUR 91:4 - Susula Malalaok Hehelu Palak Ma Hehelu Beuk

⁴ Neukose Ana nalu'e-na o nenik li'dan-na, nalosa o nee-nee lino-lino nai nasulu-nahapan dale; lilinekan sama leo babaa fanak, fo nasulu-nahapa o.

MAZMUR 91:4 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

MAZMUR 138:2

Au senek asale leo, O Uma malalao-malalafum-ma neu, boema au koa-kio O na'dem-ma, nana O lilineka, ma sue-lai tataas esa. O paluu O hehelum-ma, lena neme hataholi hahapun-na, la'eneu O aoinam-ma.

MAZMUR 17:8

Makaboboi au, sama leo O mata de'em-ma, mafuni au, nai O li'da masulu-mahapam-ma dalek

MAZMUR 35:2

Ho'i-ma O ba'du musum-ma, ma O babaa fanam-ma, boema fo'a fo tulu-fali au leona.

MAZMUR 57:1

Soaneu mauli-malanga nakameek. Tunga nakameek: Boso tao mamopo-mamaten. Dauk kokoa-kikion-na, nai lelek ana nalai leo leak dale neu, nanahu ana bii Saul.

MAZMUR 61:4

nana O nde au manamasulu-mahapang, kota musu fo matea-mahelek soaneu au musung-nga.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

MARKUS 13:31

Lalai a no daebafa ka neukose ala sapu-lalo, tehu Au dede'a kokolang lahele losa dodoo na.”

ULANGAN 32:11

Sama leo manupui balupua, ana nanoli anan-nala fo ala laa ana ho'us nenik li'da manamakapepelan-na ma Ana ko'os nai li'dan-nala.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

RUT SUSULAN-NA 2:12

Sa'di leo been-na, Manetualain balas basa o dale malolem lala'en-na. Sa'di leo been-na, o sipo hata fo nandaa Israel Manetualain-na Ana fen neu o, nanahu o mai fo masulu-mahapa neun!”