MAZMUR 91:3 - Susula Malalaok Hehelu Palak Ma Hehelu Beuk

³ Neukose Ana natapo'i o neme susa-soe nananafunik-ka, ma neme he'di laus fo neni mamates.

MAZMUR 91:3 ပူးပေါင်းရင်းမြစ်များ

2 SEMUEL 24:15

Boema, Manetualain fe he'di-laus neu hataholi Israel-la, mulai neme fafaik ndia losa faik fo Manetualain naketu basak-ka so. De mate hataholi liun hituhulu nai basa Israel-lala'en-na.

1RAJA-RAJA 8:37

Metema la'andoes do he'di-laus sa'e na nusak ia, ma ani mato'bi ka, lama-bobo'i do lamak-kala tao lalutu bubu'u-palusa nala, do metema musu a sapun-na O ana mala do he'di-laus sapun-nalas soona,

MAZMUR 124:7

Ita sama leo manupui fo po'i henin neme hataholi manamakahihi'ik-ka, hihi'in-na mai, ketu heni hihi'ik ndia so, de po'i heni ita!

MAZMUR 141:9

Masulu-mahapa au, neme hihi'ik fo, nanalonak ba'eneu au, ma neme hataholi mangalauk sila-la meobesin-na mai.

MAZMUR 68:21

Ita Manetualain nde bee-na, Amak fo manasoi-tefa, Ana soi-po'i ita neme mamates-sa mai.

MAZMUR 91:6

neukose soe fo, ana mai nai fai makahatuk-ka, do nakalulutuk fo manatuni-ndenik-ka, nai fai le'dohanan-na.

AMSAL 6:5

Se'i po'i o aoinam-ma, neme hihi'ik ndia dalek mai, sama leo manupui, do nusa nalai neme hataholi manausik-ka mai.

AMSAL 7:23

Do'dofa te kokou isik-ka neukose tola sapiselik dalen-na. Touanak ndia ta name'da fa, te samanen-na doi-doso samaleo manupui laa nasale leo hihi'ik-ka neu.

PENGKHOTBAH 9:12

Hataholi daebafak-ka ta bubuluk faihi'da fain-na losa fa. Sama leo hihi'ik-ka nala manupui-a ma dala nala i'ak-ka, leondiak boe, soe-a tuni la'e hataholi daebafak-ka nai faik fo ana ta bubuluk-kana fa.

HOSEA 9:8

Manetualain nadenu au, da'dileo nabi, soaneu fe nasanene'dak neu emi, fo anan-nala, tehu au u leo bee u boe, emi sanga enok, fo makahihi'ik au sama leo manupui-a. Laun-na musu no ami fo Manetualain nabin-nala, nai Manetualain nusan-na.

AMOS 3:5

Metema hihi'ik-ka nanalona beitak soona, ade nala manupui do ta? Metema hihi'ik-ka beita nala hata esa boen soona, ana kosu do ta?

1 TIMOTIUS 6:9

Tehu metema hataholi a nau namasu'i soona, ana tu'da leo sosoba-susu'dik dale neu, ana tu'da leo hihi'ik dale neu ma ana tu'da leo hihii-nanau nggoak mata-matak fo mana tao makalulutu ka, dalek neu.

2 TIMOTIUS 2:26

No enok ndia, besa ka dale nala fali, fo latapo'i leme hihi'i Nitu fo mana pa'a nalas ala, de nakasetis fo ala tunga hihii-nanau na.