MAZMUR 90:13 - Susula Malalaok Hehelu Palak Ma Hehelu Beuk

¹³ Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

MAZMUR 90:13 ပူးပေါင်းရင်းမြစ်များ

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

MAZMUR 135:14

nana, O fe ndoos ma matetuk-ka neu O anam-mala, ma O sue-lai O atam-mala.

MAZMUR 6:5

Fali ma'im-ma leon Manetualain, fo soi-po'i au, soi-tefa-mala au, nanahu O susue-lalaim.

MAZMUR 74:10

Ou Manetualain, losa faihi'da, musu-a hakinonoli O? Ala lakamumulu-lakamamaek O na'dem-ma, losa dodoon-na do?

MAZMUR 80:14

Bafi fuik-kala totofin de nalosa nalutun, ma bana manai mook-kala, la'a henin.

MAZMUR 80:15

Ou Manetualain, Fo Manakoasa, fali ma'im-ma leona, mete neme nusa so'dak-ka mai, fo taoafik neu O anam-mala.

MAZMUR 89:46

O tao keke'u, fai muli-solun-na, ma O poti ketun, nenik mamaek.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

YESAYA 63:17

Ou Manetualain, tao le'e de, O po'ilotak ami, matofa-matalak? Tao le'e de, O tao matea ami dalem-ma, nalosa ami ta bii-mamata'u neu O fa? Hu kande, O atam-mala, ma hu kande O anam fo, O pusakam-ma, fali ma'im-ma leona.

YEREMIA 12:15

Tehu basas nanakalua henik boema, Au sue seluk-kasa bai; de Au o falik basa leoina-la esa-esak leo nusa-namon-nala neu.

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

AMOS 7:3

Manetualain dodoo nasafali dale tutu'un-na, de nafa'da nae, “Hata fo o mitak ndia, neukose ana ta da'di fa.”

AMOS 7:6

Manetualain dodoo nasafali dale tutu'un-na seluk, de nafa'da nae, “Ia boeo, neukose ta da'di fa.”

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

BILANGAN 10:36

Ma nai lelek Peti Hehelu-balataak ndia losa mamana hahaeaon-na soona, Musa kokolak nae, “Fali maim-ma leon, ou Manetualain muu leo teidalek Israel fo lifu-lifun sila-la muu.”

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.