MAZMUR 90:10 - Susula Malalaok Hehelu Palak Ma Hehelu Beuk

¹⁰ Ami faim maso'dam-ma losa ka'da teuk hituhulu, metema ami balakaik-ka soona, losa teuk faluhulu. Tehu ami hapuk-ka, nde ka'da toto'a-tataak ma doidosok-ka; basa ami maso'da keke'uanam-ma soona, ami sapu-lalo.

MAZMUR 90:10 ပူးပေါင်းရင်းမြစ်များ

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

KEJADIAN 6:3

Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

2 SEMUEL 19:35

Atam-ma teun faluhulu so, de ta hapu hata esa boen, bisa neni fe atam-ma namahokok so'on. Atam-ma, na'a-ninu nana'a-nininuk-kala, ta hapu la'dan-na so'on, ma atam-ma ta hapu namanene hataholi-la lakamee so'on. Neukose, atam-ma ka'da neni lelepa mabela fe Ama Manek.

2 SEMUEL 19:36

Atam-ma, ta nandaa sipo ngga'di ba'u-ba'u basa ndia fa. Atam-ma, nahiik ka'da tunga Ama Manek, nggani eik de'ubee mesan, neme Lee Yarden-na selik mai.

1RAJA-RAJA 1:1

Besak ia, mane Dauk ka namalasin-nanseli so. Leomae lalu'en nenik si'di makate boeo-na makaleni nahele.

AYUB 14:10

Tehu metema, hataholi daebafak-ka maten soona, basa so; maten soona, ana leo bee neu?

AYUB 20:8

Neukose mopon, sama leo me'is-sa, mopok-kana, sama leo mata memetek-ka, nai fai le'odaen-na.

AYUB 24:24

Naso'da tetu-temak, ka'da ba'ihanak mesan, tehu basa soona, ana la'o losa dodoon-na. Ana male-tale, sama leo na'u sosoa-ndandaa tak-ka; sama leo, ke'di heni ha'de pulek-ka, neme huun-na mai.

AYUB 5:7

Ta! Te hataholi daebafak-ka, nde neni soe soaneu aoinan-na mesak-kana, sama leo ha'i masapipiti neme ha'i-a mesak-kana mai.

MAZMUR 78:39

Ana nafandele, nae sila ka'da mahahaek fo, manasapu-manalalok, sama leo anin-na fuu nenin, fo neukose, ana ta fali ma'in so'on.

YESAYA 38:12

Ketu au ani hahaeng-nga, au fai mamateng-nga losa, sama leo manafoo-a, ana ofe heni lalaa teman-na; sama leo temak-ka nanake'di henik, neme tetenuk lain mai; au aedaenga, neukose Manetualain tao nate'e au so'dang-nga.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

ULANGAN 34:7

Musa teun natun esa duahulu boema, maten. Be'ibalakain ta naloe fa, ma matan-na bei nita.

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.

YOSUA 14:11

tehu au bei balakaik, sama leo nai lelek Musa nadenu au-a. Au balakaing-nga bei dai soaneu atee-atati, do tao su'di beek-ka.