MAZMUR 89:8 - Susula Malalaok Hehelu Palak Ma Hehelu Beuk

⁸ O nanafe ha'da-holomata nai basa hataholi malalao-malalafuk-kala dalek nanabii-naata'uk, neme basa hata manai O boboa-kaisum-ma.

MAZMUR 89:8 ပူးပေါင်းရင်းမြစ်များ

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

AYUB 37:22

Mangale'do manahiik-ka, ana to'da mai, neme kii mai, ma Manetualain mandela-masa'an, taon-na ita tasamanan.

AYUB 9:19

Ade, au muse akasusu'di balakaik on do? Tehu mitak, be'i-balakain ba'un-na seli! Leo uni'ka, au kalaak au dede'ang-nga neun, soona see kande napalani naloon leo manakee-manafula matan neu?

MAZMUR 147:5

Tete'ek-ka, ita Manetualain matua ma anseli, manatee-tenon-na, too-lanen ta.

MAZMUR 24:8

See kande, Manek mandela-masa'ak ndia? Ndia nde Manetualain fo palani ta'ti batu; Manetualain fo henuk no koasa, fo palani ta'ti batu nai natee-natatik-ka dale.

MAZMUR 35:10

Au afa'da no au dale katema tuang-nga ae, “Manetualain, See kande sama leo O! O soi-po'i tapandoes-sa neme mabe'i-balakaik-ka, nuu ta-hata taak ma doidosok-ka, neme tuni-ndenik-ka mai.”

MAZMUR 71:19

Ou Manetualain, O ndo ma matetum-ma, dema lalai; O tatao-nono'im-mala matuaina; see sama-na leo O?

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

MAZMUR 89:13

O nde makadada'dik kii ma kona, Letek Tabor ma Hermon-na, eeki-latadale ba'eneu O.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

YESAYA 28:22

Au amanene basa Manetualain Fo Mademaina ma Manakoasa, nakeketun-na, soaneu Ana tao namate-namopo nusak-ka lala'en-na. Boso makamuu-makadau hala-kokola nasanene'dak fo, au anduku-alosak-kana ia. Mahani te, neukose ta mu'dak ba'eneu emi, fo maladeak fa.

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

SEMUEL SUSULAK-KA ESAN-NA 15:19

Tao le'e de, Ama Manek ta tunga Manetualain paletan-na fa? Tao le'e de, Ama Manek sama-sama moo laun-na ho'i bua-lo'a kakalok, de no enok leondiak-ka, Ama Manek taom-ma Manetualain dalen-na ba'ihana?”

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.