MAZMUR 89:3 - Susula Malalaok Hehelu Palak Ma Hehelu Beuk

³ Nana au bubuluk, O susue-lalaim manaketu-basa tak, losa dodo-na, O lilinekam matea-mahelek sama leo lalai-a.

MAZMUR 89:3 ပူးပေါင်းရင်းမြစ်များ

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

2 SEMUEL 3:9

Malole lenak, au tulu-fali Dauk, nakalenak Manetualain helu basa neun nae, neukose Ana ho'in-na nusak ia neme Saul, ma neme tititi-nonosin mai, boema Ana so'u Dauk da'di manek neu Israel-lala'en-na, ma Yehuda. Sa'di leo been-na, Manetualain taonisa au, metema au ta akalala'ok Manetualain hehelu-balataan ndia neu Dauk fa!”

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

MAZMUR 78:70

Ana hele atan, Dauk, de Ana ho'in neme bana-manu bubuak-kala tala'da mai,

MAZMUR 89:19

Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

MAZMUR 89:28

Neukose Au taon da'di, Au ana tou ulung, fo matua-madema nanseli, nai basa mane-manek-kala tala'da.

MAZMUR 89:39

Tehu besak ia, O mamanasa neu manek-ka, O tapa heni, ma O ta sipok O hele hataholi-a fa.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YEREMIA 30:9

Emi neukose sene-do'ok neu Au, fo emi Amam Manetualaim-ma, ma neu hataholi esa, fo tititi-nonosik neme Dauk mai neukose Au so'un da'di leo manek-ka.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

HATAHOLI 2:30

Manetualain helu basa Dauk pake sosoo-susupak nae, neukose Ana so'u mane Dauk-ka tititi-nonosin esa da'di manek. Nana Dauk ia nabi ndia boe, de ana bubuluk dede'ak ndia. Hu ndia de, ana bubuluk basa hehelu-balataak sila la.

IBRANI 7:21

Tehu Yesus nanaso'uk da'di imam, pake soo-supak, nai lelek fo Manetualain nafa'da neun nae, “Au soo-supa basa so, de neukose Au ta asafali Au nakeketu nga fa, ‘O nde bee na imam losa dodoo na.’ ”

HAKIM-HAKIM 2:1

Manetualain ata nusa so'dan-na, neu leo Bokhim neu, de nafa'da hataholi Israel-la nae, “Au kalua basa emi neme Masir mai so, de Au o emi leo nusak fo Au helu basan neu emi bei-ba'i kaim-mala so. Au boeo afa'da ae, ‘Hehelu-balataak, fo manapa'a Au o emi-a, neukose Au ta tao ketu fan.